JONAH 2:9 - SHEEYU BAIBEL (BSI)

⁹ Ana avei kaloyu paisüla noupu Neye poa sheela peie. Enou paokhai touyu nasü souche peilai. Khailu peiyu nasü Mapao likhei baie!”

JONAH 2:9 Iomraidhean Croise

SHURAI 35:3

Etao Bethel hisü ho hrüta laire, ae sühinou Enou vea-a buyu phaki alia buh taraliki veyu phaki Eye soukha peiyu Ramai puh hi sheelayu buh ali soulai.”

2 SAMUEL 15:7

Haibüa soukouyu po adai thaisü, Absalom nou veo David hi paoe, “Enou soulai tea Ramai hi paohkhai touyu nasü taho soure donou Eye panou zhuvea-a Hebron hi tare donou aetou peio.”

JOB VEI LARÜBVÜ 22:27

Nevei veachi sü Ramai nou keinou peilai, alia nenou Ramai nghoujünou chaachou souyu nasü souphe laimoe.

LOUTAO 107:22

Puletao hai posheela peiyu noupu koa puh kalo paozüe, ae asayu lou nou koa puhvei vah haso khesü paopeio.

LOUTAO 27:1

Mapao hai avei ava ae Eye khailupa apeio nasüe; Enou mailia ngaopi laimoe. Mapao nou Eye kaozhou ashi teitei hinou vupa peiwe, haliro Enou ngaopire sü ha-e.

LOUTAO 3:8

Veilouyu hai Mapao hinou ve-e, puhnou puhvei maikhe maiye shiha peiyu sü soulo theo.

LOUTAO 50:14

Neletao nou kalo paoyu sünanou Ramai hi posheela sü soupeio, ae neletao nou soulai tea chaachou soukhai touyu puhsü Kukulai nahi cheche-a souvete peio.

LOUTAO 50:23

Kalo paoyu hai Eye tsükhou-a posheela peiyu nasüe, ae achi züyu mai hrülaiye sü Enou khailupa peivu zülai.”

LOUTAO 68:20

Etao Ramai hai maiye khailupa peiyu Ramai-e; puh hai Mapao-e, Etao vei Mapao süe, Etaoye athai hinou khailupa peiyu nasüe.

LOUTAO 95:2

Eletao puh nghoujü hi kalo pao-a velaikhe, ae asayu lou nou puhye sousho laishe.

ISAIAH 45:17

Ana Israel mai louzü Mapao nou khailu peilai, ae teisa veilouyu sü ngaolai, alia puletao hai hraongu sü daokhai toulai moe.”

JEREMIAH 33:11

asah soua shura souyu ae lounghi sa-a vasayu paikho khesü choupulai. Neletao nou avei Rathoki hisü maikhe mainou kalo vei posheela khesü pove peia haibüa paolai, ‘Khoukhoulai Mapao hi kalo paokhaio, daiolouzü puh sü vei-e, ae puhvei leshiyu hai akhai hae.’ Enou teidei hai nasü raichoki büa souveipu peilai. Haisü Mapao Enou paowe.”

HOSEA 14:2

Mapao hi dakhai velou baio, alia haibüa puh hinou veachi paolo, “Etao vei mah teitei nou khaipeio alia zhuvea nou Ehye podakhai peio, sükulouzü teisa nou Neye paosholai.

JOHAN 4:22

Nelenou sümoyu nasü nelenou thowe; Ehwo Ehnou süyu naye thowe, daiolouzü khailu peiyu hai Jihudimai hinou ve.

SEI-ATAMAI VAHTAO 4:12

Alia khailu loure sü kukhe maitali hi-a hae, daiolouzü Ehye khailu peilousü vuzüyu raki khehi maikhemai hrohi peikhai touyu zhih kukhe alia hae.”

ROMMAI 12:1

Südonou Athaihou jürai maitao, Ramai zhuvea vanou Enou neletao hi khowe, süolouzü neletao nou neletao vei pfüphao hai hria sheelayu na ali büa, sheetoua ea polouveia Ramai hi popeikhaio, haisü neletao vei rako hilo rathore nasüe.

PAODAKHAIYU CHIKHA 23:18

Neletao vei Ramai Mapao ki hisü haibüa kulouyu pousha nou paokhai touyu vei posheela sü pove peilai moe, daiolouzü neletao vei Ramai Mapao nou rathoki hinou khakhayu sü ngaorae.

EBRIAMAI 13:15

Sükuyu thaisü, Eletao nou Jisu vanou Ramai hisü tobai soumoa paoshoyu vei posheelayu süolouzü puhye nou Mapaowo süe tea münou dua paopayu sü popei laikhe.

PONGAOPEIYU 7:10

Puletao nou pai kusholoua shapae: “Khailu peiyuhai vebuh hi buyu Eletao Ramai ea Zhaotu hinou ve!”

1 SAMUEL 12:21

Cheche moyu rah khesü thopu khaiso; puletao nou neletaoye sü soukha peilou hoe, moyuma khailupa peilou hoe, daiolouzü puletao hai cheche moyu rah baie.