JONAH 2:6 - SHEEYU BAIBEL (BSI)

⁶ Deichi phikhai hi delouyuma, deinou Eye belouyuma, Nenou Eye sü dei kaorao thou hinou popa peie, Oh Mapao A Ramai.

JONAH 2:6 Iomraidhean Croise

JOB VEI LARÜBVÜ 33:24

Zhuvea leshi hinou rakivamai nanou paolai, “Puletaoye phapeio! Puletaoye panou athai maivei teidei hi holai mohie. Puletaoye phapeire donou muh sü haihi bure.”

JOB VEI LARÜBVÜ 33:28

Ramai nou Eye panou athai maivei teidei hi tamore, chukoute-a Eye panou hri-a buhie.”

LOUTAO 104:6

Nenou zaidu nasü deiphao hi sabanü banouyu büa khaipeie, ae dzü khesü panou deichi hopeie.

LOUTAO 104:8

Puletao nou deichi phao hisü küpawe ae deikho hisü küvewe, sübüa puletao hai puletao nou bure buh hisü küve tawe.

LOUTAO 116:3

Athai hi loutare kaozhou ashi sünanou Eye sühao loure, khüh hi tare ngaopiyu nasü ahi nghitei loure, Esü ngaopi-a nou dopfüa bua baire.

LOUTAO 143:7

Mapao, Eye chunou chila peio! Ewo areih touyu teitei nou hazei baie. Ne ahinou tuvai tutsü peiso, Ewo athai maivei teidei hi hotayu laire.

LOUTAO 16:10

daiolouzü puhnou Eye athai vei khouko hinou vupa peie. Enou chilee cheche-a puhvei kuvah sü soupeie, ae puhnou Eye thaimai vei teidei hisü panou hotalai moe.

LOUTAO 18:5

Kaozhou ashi ae athai sünou Eye sühao loure, ae khü hi loure vei sho-rü sünou Eye sühaokhai loure.

LOUTAO 30:3

Nenou Eye athai hinou khailupa peie. E sü athai maivei teidei hi hota laire tea tapare, ana nenou avei hrümai sü thoupu peie.

LOUTAO 30:9

E thaiyu sü neye donou dai-e veiyu buge? E khü hi loutayu hai neye donou dai-e veiyu bue? Thaiyu mai nou neye paosho lousüvu? Puletao nou nevei acheche nasü paoshapa peilou süwu?

LOUTAO 55:23

Ana Oh Ramai, nenou maiye southayu maitao, ae daruyu maitaoye sü panou hü hrüchemoa khü hi pothou khaipei bailai. Anou Ewo louzü neye louche-a bulai.

LOUTAO 65:6

Nevei pfüchi sünou deichi khesü soushu peie, sübüa nevei khouko nasü soungao peie.

LOUTAO 69:2

Esü thoushoa buyu konai hinou füloure, ae aphi tailoure buh ali-a hare; Esü dzü thouyu hisü loure, ae dzü nou Eye sü maolou laire.

ISAIAH 38:10

Enou tsü choe, avei pfüphao veishoa bukinou Esü rata laire, Avei hümai shokhai touyu taosü thai maivei deiphao hisünou ho hrüta laire.

ISAIAH 38:17

Cheche vuzünou veahoyu haitao teitei sü Eye panou veiloure donou baie. Nenou avei hümai hai sü kaoshi-a raobvü hi loure hinou khailupa peie, Nenou avei mahmo teitei khaipeie.

ISAIAH 40:12

Thao nou zai hi buyu dzü sü puh bah hi thouloua doulou süe, ae raki sü puh bah nou doulou süe? Thaonou dei hi buyu maitao sü pai ali hi thouloua doulou süe, ae deichi deitao khesü sühdou khao ali hi thou doulou süe?

EZEKIEL 26:20

Enou neletaoye sü daoh mainou hrüa buyu thaimai vei teidei hisü seiho peilai. Enou neletaoye sü teisa nou soushikhai touyu dei khevai deiphao hinou thaiyu maitaoye koa panou bulai. Neletaoye panou ahri maivei teidei hisü bupukhai toulai more.

EZEKIEL 31:14

Südonou chu thainou, süübe ali-a puhye sü veisho-a nou dzü züpeiyuma süübe süna büa vei-a nou kukhailai more, moyuma süna büa teihao vahi kukhe khailai more. Puletao veishi hai mai büa thai-a bailai, athai maivei deiphao hi hotayu maitao koa nou ve buta-a bailai.”

HABAKKUK 3:10

Deichitao nou neye ngaolouyu phaki, pinguwe; raki vanou teirü sü rükou baiwe; zai thou hinou zaidzü khüpa baiwe.

HABAKKUK 3:6

Puhnou chaoyu phaki deiphao hai lüa baiwe; Puhnou zhuyu phaki tyahrütao hai pingu-a baiwe. Puhnou daohraiki tayu ludutao hisü lümoa buyu deichi dutao hai pota baire, alia teisa nou buyu deitao khesü leitare.

MATHIU 16:18

Alia südonou Enou nehi paowe, newo chuh alie, alia chuhdu haina peinou A Church soushu palai, alia sünaye athai koute nou-a koloukhai laimoe.

PAODAKHAIYU CHIKHA 32:22

Avei lekha sü mei büa panou taolai, ae sünasü panou rabedushao koute taokoulai, Deiphao hi buyu na veishi sü deihawulai, ae deichitao vei beikhei teitei-a panou deilai.