JONAH 1:9 - SHEEYU BAIBEL (BSI)

⁹ Puhnou puletao hi paoe, “E Hebrew maie; alia E hai teidei ae zaidu soupeiyu rakiva buyu Ramai Mapao thoyu maie.”

JONAH 1:9 Iomraidhean Croise

SHURAI 1:10

Ramai nou deithe nasü deiphao tea sapeie ae ve jüa buyu dzü nasü zai tea sapeie. Alia Ramai nou ngaoloua veie toure.

SHURAI 14:13

Ana maili tupaloua ve ko sükhesü Amor mai ae Mamre teidei hinou sheeyu phüsüübe pehao hi hrüa buyu Ebriamai puona Abram hi paopeie. Mamre ae puh thaihou Eshkol alia Aner mai haitao hai Abram ye müzhoe.

SHURAI 24:7

Apuo ki hinou ae Eye nalouyu nuh hinou Eye haihi savepeiyu nanou alia ahi haibüa vo soupeiyu nanou paoe, ‘Ne tyaonah taohi Enou teidei haina peilai’ tea paohpeiyu rakibu Ramai Mapao puhnou rakivamai ye nejü rai-a seipeilai, alia buh sühinou nenou anah poutu chapfü sü ngaoloulai.

SHURAI 39:14

puhnou puh kilai maiye kuloua paoe, “Hina zhukhaio, achapu nou sa-a veyu Ebriamai puona nou Etaoye ngaophou more. Puhnou akikha louloua Eye sazülai tea Eye süre, ana Enou paichishoa raloure.

2 VEMAITO 17:25

Puletao nou teidei sühi tave füsho arai hi hai, puletao nou Mapao ye sü tholou more, südonou puhnou souveo sü seive kamai-a panou southawure.

2 VEMAITO 17:28

Südonou Israel maivei napao maitao hai Samaria hi seidakhai ve panou Bethel hinou hrüe, ae puletao nou buh sühinou maikhe mai hi kabüa Mapao ye tholai touyu khesü doupeie.

EZRA 1:2

“Haina hai Persia hi veo Sairas vei kharochie, Mapao, Raki buyu Ramai nou Eye panou teideiphao teitei hi veo soupeie alia Judah teidei, Jerusalem hi Rathoki soure vatao-a ahi peie.

EZRA 5:11

“Puletao nou Eh hi haibüa chila peie: ‘Etao hai raki ae deiphao hi Ramai vei kilai maitao-e, alia daoraiki nou Israel veo adumai alinou soukhai touyu Rathoki nasü Etao nou soushupu-a baie.

NEHEMIAH 1:4

Enou ko hai khesü choulou khaie, kou chobuloua kra-a bure. Teithe taoli hai Enou dopfüa halia toumoa lüh-a nou bue ae Ramai hi Enou haibüa veachi paoe,

NEHEMIAH 2:4

Veo nou ahi paoe, “E neye donou dai soupeiyu ne jüpawe?” Enou rakiva buyu Ramai hi veachi paoe,

NEHEMIAH 9:6

Süthaisü Israel mainou haibüa veachi paoe: “Oh Mapaowo, ne likhei Mapao sü baie; nenou raki ae tei hi vutao hai soupeie. Nenou dei ae zai alia sühinou buyu na veishi hai soupeie; nenou sütao veishi hi hrirai thoupeie. Rakiva khouko khenou neye nakou khurüwe ae thowe.

JOB VEI LARÜBVÜ 1:9

Saitan nou chila peie, “Job nou neye thoyu vanou hali-a ngaoloumo zhuthaio, puhnou neye tho khailaivu?

LOUTAO 136:26

Raki vanou buyu Ramai ye kalo paokhaio; puhvei leshiyu hai akhai hae.

TAPALOUYU 1:15

Süthaisü Ejipt hi veo nou Hebrew maipfüye sa-a nah napeiyu Shiphrah ae Puah hisü paoe,

TAPALOUYU 2:13

Puhnou thaineshoa sühao tayu phaki, Hebrew mai ahai sü züva-a buyu ngaoloure, südonou puhnou mah-a buyu nahisü paoe, “Ne daisounou haibüa lah nevei maiye dawe?”

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

SEI-ATAMAI VAHTAO 14:15

“Maikhe maitaore, neletao daidonou haikuyu vah hai souwe? Eh-a nele büyu maibaie, alia neleye panou hakoyu haitao teitei hinou tareiloua raki, deiphao, zaidu ea sütaohi buyu teiteiye soupeiyu hriyu Ramai hi panou veloure ko avei sü Ehnou nelehi povewe.

SEI-ATAMAI VAHTAO 27:23

Daiolouzü do kheikohi A Mapao soua ea Enou thoa buyu Ramai puhvei rakivamai alinou Ahi veloua,

PHILIPPIMAI 3:5

Ehai teithe acha tsüpayu kihinou hee rode-e. Pfüna hinou Esü Israel mai alie, Esü Benjamin khü hinou ve, Ebriamai nou nayu Ebriamai alie. Razhai hilonou zhulai toulouzü Esü Phariseemai alie,

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

PONGAOPEIYU 16:11

Sübüa puletao vei souyu ea chükü paopayu sütao donou puletao nou rakibu Ramaiye chaloure. Ana puletao vei ashi vah hinou puletao lesü daloubae.