JONAH 1:8 - SHEEYU BAIBEL (BSI)

⁸ Süthaisü puletao nou puh hi noue, “Daivanou haibüa veayu hai etao hi vewe touyu paokhaio. Ne dai vah souwe? Ne daiki nou ve-e? Alia ne dai maie?”

JONAH 1:8 Iomraidhean Croise

SHURAI 47:3

Veo nou puletao hisü “Neletao daivah souyu maie?” tea noue. “Ne kilai Etao hai Eh puopaoh mai büa zhaotu ae nghitu khoyu maie” tea puletao nou chila peie.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

JOSHUA 7:19

Süthaisü Joshua nou Akan hi paoe, “Anahna, Israel maivei Ramai Mapao ye kathe soupeio, alia Puhye paosholo; ne dai-e soure touyu ahi paokhaio; süsü ahi da-a nou pokukhaiwu souo.”

1 SAMUEL 14:43

Süthaisü Saul nou Jonathan hi noue, “Ne dai mah souwure?” Jonathan nou chila peie, “Abah hinou polaiyu süüpo nanou laivoudzü shaoloua laivoudzü sü Enou daotu tou loure. Eye southawo, E hai hi bue.”

1 SAMUEL 30:13

David nou puh hi chi noue, “Nevei paopu sü thaowe, ae ne buh daikinou ve-e?” “E hai Ejipt mai-e, ae Amalek mai ali vei qila souwe. E soulouyu donou apaopu nou Eye thaowua tayu teithe asü pare,” tea puhnou chila peie.