JONAH 1:3 - SHEEYU BAIBEL (BSI)

³ Ana Jonah nou Mapao nghoujü nou tureipoa Tarshish hi tare. Puhnou Joppa hi kouhyu phaki Tarshish hi tayu dzüluki ali daoloue; südonou puhnou Mapao hinou tarei taloure donou tayu mu peiwua puletao ye koa dzüluki hi tapalou loure.

JONAH 1:3 Iomraidhean Croise

SHURAI 3:8

Süzhou koukhesü Ramai Mapao nou kipei hi talouyu phikho süloua puh haisü süühro hinou bailoua Ramai Mapao nghoujü nou tuchü tare.

SHURAI 4:16

Süthaisü Kain nou Mapao nghoujü nou tapaloua Eden teinghi palo Nod teanou kuyu füdei hisü hotare.

1 VEMAITO 19:3

Elijah nou ngaopi loure, ae puh sü tuchü tare; puhnou puhvei kilai naye saloua Judah vei teidei Beersheba hisü vetare. Süthaisü puhnou puhvei kilaio sü buh sühi thaokhaiwua tare.

1 VEMAITO 19:9

Puhnou lyaqulu ali hi velou süzhou khei chaore. Süteile hinou Mapao nou puh hi paoe, “Elijah, ne hai hinou daie soua bue?”

2 PUOPAOKO 2:15

Südonou chuo nenou peilai tea paokhai touyu southou, barlithou, darkhadzü, ae oliv theadzü khesü seive peio.

2 PUOPAOKO 2:16

Nenou jüpayu sedar süü sü Etao nou Lebanon deichi hinou daopeilai, ae süü sütao sü Etao nou phupaloua zai pei hinou poa Joppa hi koute pokou peilai, ae buh sühi sünou nenou Jerusalem hisü povelo.”

2 PUOPAOKO 9:21

Daiolouzü puh vei dzüluki hai Veo Hiram vei kilai maitao koa po asü hi bakha ali hai Tarshish hi tawe, ae khaiveyu phaki sana, shahu, praonü, vaovu ae va khesü pfüve koutewe.

EZRA 3:7

Persia hi veo Sairas nou kharochi peiyu na thaifüa puletao nou Sidon ae Tair hi buyu chuh ae süü vah soumai hisü sha peiwure alia touso ae theadzü-a peie. Daiolouzü homaitaoye panou Lebanon hinou Joppa hisü sedar süü hai panou zaipeinou pfüve peire donoue.

JOB VEI LARÜBVÜ 1:12

Mapao nou Saitan hi paoe, “Süthaisü veire, puh vei buyu teitei pei hi soulou süyu khouko sü ne bah hi bue, ana Job hiwo louzü ne bah deilai moe.” Süthaisü Saitan hai aetea tashure.

JOB VEI LARÜBVÜ 2:7

Süthaisü Saitan sü Mapao hinou tapalou-a Job vasou pfüphao hisü cho panou pa phouloure.

LOUTAO 107:23

Kamai-o zaidu phao vanou dzüluki pfüa huha soua hrüwe.

ISAIAH 2:16

Puhnou dushoa soukhai touyu dzüluki teitei ae hüveishoa soukhai touyu shamara veishi sü souhawulai.

ISAIAH 23:1

Chipao hainasü Tair maiye donoue. Dzüluki pfüa buyu Oh Tair maitao, kra-a dopfü loukhaio, daiolouzü neletao vei ki ae dzüluki khikhaiyu buh khesü soushi souhawure. Ko hainasü puletao nou Kaipras teidei hi buyu phaki nou paosü peiwure.

ISAIAH 23:10

Oh Tarshish (Spain) hi hrüa buyu maitaore, neletao lavei teidei sü thaokhaiwua ta-o, daiolouzü mai linoua neletaoye sü vupeire hare.

ISAIAH 23:6

Phoenisia maitao, dopfüa kralo, Spain hi tupa loure donou tekhaio.

ISAIAH 60:9

Dzüluki sütao hai kadou shoyu teidei hisünou Ramai vei maitaoye ki hi sapoa dakhai ve-e. Puletao nou shahu ae sana khesü pove Ramai Mapao vei zhih, ae Isreal maivei Amasheeo sü tsükhoure donou pove peie. Puhnou puhvei maitaoye sü tyahrü hrülaiye panou tsükhou loure donou soupeiwure.

JEREMIAH 10:9

Puletao vei bashara khesü Spain vei shahu nou ae Uphaz vei sana nou dale khaitoue, sütao hai maomeyu ae papayu sabanü nou banou peikhaitoue, süsü shara souvei shoyu mainou soupei khaitoua baie.

EZEKIEL 2:8

“Thai bailaiyu maipure, Enou ne hi paoyu chipao khesü keilo, Enou neye peilaiyu nasü ne mü hepalou-a sünasü touthoulo”

EZEKIEL 27:12

“ ‘Spain mainou neye koa huha hai souwe, ae puletao nou nevei na khesü shahu, hu, tin, ae mishin hu nou pove lealouwe.

EZEKIEL 3:14

Mapao vei khouko sünou ahi chisho-a nou ve-e ae puhvei rako nou Eye poa tayu phaki ale hai choropoa E hai lekha shore.

JONAH 1:10

Süthaisü puhmaitao nou ngaopi shoa puh hisü noupue, “Ne dai vah souwure?” Daiolouzü puletao hisü puhnou paore, puh hai Ramai nghoujü nou tutayu mailie tiyu hai.

JONAH 4:2

Südonou puhnou Mapao hisü veachi paoe, “Oh A Mapaowo, Enou ne hi haibüa bailai tiyu sü E nuh hi bukinou paomowu? Süvanou E Tarshish hi tutsü tamowu; Ne hai zhuvea süyu, lekha hahamoyu, leshi akhai hayu, alia ashi souyuma khaipeiyu Ramaie touyu Enou süwe.

LUK NOU RÜYU KO AVEIBVÜ 9:62

Jisu nou puh hi paoe, “Haphou polukhu thailo reive zhuyu mai talisü Ramai Vedei donou züdou moe.”

SEI-ATAMAI VAHTAO 15:38

ana Paul nou puhye satayu hai zümoe tea choloure, daiolouzü puhnou puhaiye koa akhai koute vah soukhaimoa Pamphulia hinou puhaiye thaowu-a tare.

SEI-ATAMAI VAHTAO 26:19

“Südonou He, Veo Agrippa, Enou raki hi vei zho naye sü zübayu soumoe,

SEI-ATAMAI VAHTAO 9:36

Alia Jopa hisü Tabitha tea kuyu rozümai pfü ali bue (puh zhih hai Greekmai la hinou Dorka toue), naotu hainapai sü teisanou vah avei soua ea toure hamaiye soukha-a hrüe.

SEI-ATAMAI VAHTAO 9:38

Alia Luda hai Jopa ngheiki bubaiyu donou rozümai taonou Pitar hai sühi bue touyu sü chouloua mai ahaiye puh hi seiho, “Ne thalasou Eletao hi vepeio,” tea panou ve kue.

SEI-ATAMAI VAHTAO 9:42

Ko süsü Jopa teidei teiteihi süvelouyu kisü, maikhemai alaonou Mapaoye sü louche loure.

SEI-ATAMAI VAHTAO 9:43

Alia Simon tea kuyu souhee vah souyu mai aliye koa Pitar nou Jopa hi teithe taoli chao-a bue.

1 KORINTHMAI 9:16

Enou Ko Avei paodouyu vanou Eye donou kathe souloure zü hae. Daiolouzü sübüa souloumo shilaiyu sünanou Apei hi kangi khaitoua bue. Enou Ko Avei nasü paodou molouzü Eye donou daizhozhou ngaopisa!

2 THESSALONIMAI 1:9

Puletao sü teisanou souhawuyu ea Mapao vei nghojünou ea puhvei khouko ava hinou buh ku-a pokhaiyu vei tudee nasü ngaolai.

JOSHUA 19:46

Mejarkon, alia Rakkon, süsü Joppa vei teidei tao koa louwe.