JOHAN 9:7 - SHEEYU BAIBEL (BSI)

⁷ alia puh hi paoe, “Takhaio, alia Siloam dzükhao hinou ne pah phülou khaio.” (Siloam touyu hai seitayu toue.) Südonou puhnou taholoua puh pah phüloure, alia nghithou ngaoloua khaivere.

JOHAN 9:7 Iomraidhean Croise

NEHEMIAH 3:15

Mizpah nuh teidei khowo Kolhozeh nahpoutu Shallum nou Dzünghou vei Rokhubomü nasü soushu peie. Puhnou romü nasü souloua polashu peiwure, ae kityasüü ae ki zhaoyu süü sü thouloue. Puhnou kivo nasü Shelah vei Dzükhao hinou poa veo vei kipei hi koute, David vei Nuhdu hi talouyu phiheadou koute hai soupeie.

LOUTAO 146:8

ae nghicha laimaiye souvei peie. Puhnou kaodua buyu maitaoye pola peie; checheyu maiye puhnou leshi peie.

TAPALOUYU 4:11

Mapao nou puh hi paoe, “Thaonou maiye mü soupeie? Thaonou la hayu ae noupeyu soupeie? Thaonou maiye panou ha ngaolouyu ae nghichayu sü soupeie? Sütaosü Mapao, Enou mowu?

ISAIAH 32:3

Puletao vei nghithou ae noubi sü maikhe maiye donou hepeilai ae kei peilai.

ISAIAH 35:5

Süthaisü nghichayu mainou ngaoloulai, ae noupe-a buyu mai nou chouloulai.

ISAIAH 42:7

Nghichayu maiye sü nenou souvei peilai, hukhaki hi buyu maiye sü nenou popa peilai.

ISAIAH 43:8

Ramai nou paoe, “Avei maitaoye sü chikuyu ki hi kupoa vewo. Puletao hai nghithou bue, ana nghichare, puletao hai noubei bue, ana noupere!

ISAIAH 8:6

“Maikhe mainou kaonaphi-a kükou peiyu Shiloah reidzü sü malaiwua veo Razin ae Ramaliah nahpoutu veo Pekah ye ngaopi shoyu donou,

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

LUK NOU RÜYU KO AVEIBVÜ 13:4

Moa Siloam hi ki-aku nanou pokou deitheayu mai kiacha taonou kukhe Jerusalem hi hrüa buyu maikhemai hrülai jünou mah soukou shoyu mai hie tea neletao nou chowu?

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 11:37

Ana kamainou paoe, “Nghichayu mainaye souvei peiyu mai hainanou puhye panou thaimolou howu?”

JOHAN 9:11

Puhnou chila peie, “Jisu tea kuyu mai sünanou konai hüloua Anghithou hi napeie, alia haibüa, ‘Siloam hi taho nepah phüloukhaio’ tea paopeie; südonou Enou taho Apah phüloue ea Anghithou sü ngaoloure.”

JOHAN 9:39

Jisu nou paoe, “Ngaomoyu maitaoye panou ngaoloure donou, alia ngao-a buyu maitaoye panou nghicha tare donou, Enou deiphao hi chikure donou ve.”

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

ROMMAI 8:3

Emai kezhenou lelou hoyu vanou razhainou soulou hoyu nasü Ramai nou souloure. Puhnou lah puhnah poutuye seikou peiwu-a mahye souhare donou mahmai zhaido hinou panou veloua mahye sü kezhe hinou mah dukhaire.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,