JOHAN 9:35 - SHEEYU BAIBEL (BSI)

³⁵ Puletao nou puhye hulaire touyu sü Jisu nou chouloure, alia puhye ve ngaolouyu kisü puhnou puh hi paoe, “Ne Mai Nahpoutuye louchewu?”

JOHAN 9:35 Iomraidhean Croise

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

LOUTAO 27:10

Apfü ae apuo nou Eye thaowua talou vei-e, ana Mapao nou Eye kiko peilai.

MATHIU 14:33

Alia sakhaohi buyu puletao nou puhye kou khurüloua paoe, “Chechenou newo Ramai Nahpoutue!”

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

MATHIU 4:3

Süthaisü Rashi nanou puh hi veloua paoe, “Ne hai Ramai Nahpoutue toulouzü, chuh haitao hisü raokhao dalouwo tea kharochi peikhaio.”

MARK 1:1

Haihai Ramai Nahpoutu, Jisu Khrista vei Ko Avei nae.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:34

Enou süsü ngaoloure ea zhopaoh soua paowe süolouzü haina hai Ramai Nahpoutue.”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 11:27

Puhnou Jisu hi chila peie, “Ovai, Mapao; nehai deiphao hi vere Ramai Nahpoutu Khrista nasüe touyu hai Enou louche-e.”

JOHAN 20:28

Thomasnou puh hi chila peie, “A Mapao ea A Ramai!”

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:14

Süthaisü Jisu nou puhye rathoki hinou ngaoloua puh hi paoe, “Zhukhaio, ne chuo veiloure! Haijünou shipuyu kukhe nepei hi vemore donou mah soupu khaiso.”

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

JOHAN 9:22

Puh pfüpuo nou Jihudimai taoye piyu donou sünahai paoe, daiolouzü maita linou Jisu ye Khrista-e tea louche louzü, puhye sü rathobuh hinou hutalai tea Jihudimai taonou kukou chere.

JOHAN 9:34

Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

SEI-ATAMAI VAHTAO 8:37

Philip nou paoe, “Nenou nele teiteinou louche louzü, nenou dzükhao dalou-a bailai.” Alia puhnou chila peie, “Jisu Khrista hai Ramai Nahpoutue touyu sü Enou louche.”

SEI-ATAMAI VAHTAO 9:20

Alia thala-a puhnou rathobuhtao hinou, “Jisu hai Ramai Nahpoutue,” tea ko paodoue.

ROMMAI 1:4

puh vei sheeyu ramai hrü hilonou zhulai toulouzü; puhye sü athai hinou panou hrishu louyu vanou puh hai Ramai Nahpoutue touyu sü dushoyu khouko noupu pongao peire.

ROMMAI 10:20

Ana Isaiah nou khuvei puloua paoe, “Eye phoumoyu maitao nou Eye ngaoloure; Eye donou noumoyu puletao hisü Enou ngaopeire.”

1 JOHAN 4:15

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 JOHAN 5:13

Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:5

Deiphaoye thaohnou kolousüe? Jisu hai Ramai Nahpoutue tea loucheyu mai süna likheinou kolousüe.

3 JOHAN 1:10

Südonou Enou velouzü, puhnou soua buyu süolouzü shi-kha chinou Eletao pei hi puhnou raochichi-a buyu teiteisü popa ngaopeilai. Alia sükoutea khamoa puhnou thaihou jürai maitaoye-a shepei bae, alia puletaoye shepei nüyu maitaoye-a puhnou nuwe ea puletaoye lüloumaime hinou hutawe.