JOHAN 9:34 - SHEEYU BAIBEL (BSI)

³⁴ Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

JOHAN 9:34 Iomraidhean Croise

SHURAI 19:9

Ana puletao nou Lot hisü paoe, “Etao ludu vaipeio, ne shetoumai ali soua hainou ve Etaoye paodou laiwu? Ne raoso, molouzü honahai jünou neye shipua soupeilai.” Süthaisü puletao nou Lotye khaolaiwua kikhu dakholai tea takoure.

2 PUOPAOKO 25:16

Rachipaolawo nanou chi paobe-a buyu hinou Amaziah nou haibüa paore, “Dukinou neye Veo maivei paodou-apeio vahbu nasü thoupeie? Raopu soubaio, molouzü Enou neye southawulai!” Rachipaolawo nou chi paopu more, ana haibüa paowe, “Ramai nou neye souhawure donou souda khaiwure, daiolouzü nenou vah ashi veishi sü soure, ae Enou paoyu achi sü pobare.”

JOB VEI LARÜBVÜ 14:4

Sheemoyu Emai hinou thaonou kabüa sheeyu nasü pove lousüe?

JOB VEI LARÜBVÜ 25:4

Mai talinoua Ramai nghoujü sheesha tea cheche-a bulou süwu?

LOUTAO 51:5

E hai mah ae ashi nasü soua nou nakou peia baie; ae apfü pou hinou Esü mahmo soua hrükou baie.

TAPALOUYU 2:14

Puhnou Moses hi haibüa chila peire, “Neye thaonou Eh pei hi panou khore donou ae chikure donou vahbu thoupeie? Ne Ejipt puonaye southayu büa E-a southalai touwu?” Süthaisü Moses hai ngaopi loure, alia haibüa lah tsüchoe, “Enou souyu vah nasü mai nou chuo süloure.”

TSÜCHITAO 22:10

Maiye ngaoheiyu maitaoye sü hulaiwuo, sütoulouzü züveiyu-a ta-a bailai, alia züvayu ae chi ashi paoyua ha-a bailai.

TSÜCHITAO 26:12

Mai lia lah nou lahye tsüveiwe tea choyu ngaoho moe? Sübüyu mai hai vomai li hi-a areih bupu hie.

TSÜCHITAO 29:1

Mainou züpei khaie, nou khoulailai payu mai nasü souveilou hoyu hi soushikou khaipeia bailai.

ISAIAH 65:5

Süthaisü puletao nou maikhe mai hi haibüa paoe, ‘Etao hinou tavai talo! Etao hai sheesha touwe, neletaoye panou deilou shie-e!’ Sübüyu maitao hai Enou zhuthou louhoe, avei lekha sü puletao hi nghikhailai moyu mei büa tao-a panou bulai.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

LUK NOU RÜYU KO AVEIBVÜ 11:45

Razhai dou-apeimaitao hrohinou alinou puh hi paoe, “Dou-apeio, nenou sübüa paoyu sü Ehye-a sou ahrao peiwe!”

LUK NOU RÜYU KO AVEIBVÜ 14:11

Daiolouzü lah puhye soukuyu mai taliye sü sounalai, alia lahnou natai-a buyu puhye sü souku peilai.”

LUK NOU RÜYU KO AVEIBVÜ 18:17

Enou neletao hi chekhaoa paoe, maita linou nahtumai ali büa Ramai Vedei nasü polou molouzü puhnou sühisü hatakia loulou hoe.”

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 8:41

Neletao puonou souyu vah nasü neletao nou souwe.” Puletao nou puh hi paoe, “Eletao louzü khanah moe; Eletao vei puo ali bue, süolouzü Ramaie.”

JOHAN 9:2

Alia puh rozümai taonou puh hi noue, “Rabbi, mai haina nghicha-a nakouyu hai thaoh mah-e, mai haina mah ho, puh pfüpuo mah-e?”

JOHAN 9:22

Puh pfüpuo nou Jihudimai taoye piyu donou sünahai paoe, daiolouzü maita linou Jisu ye Khrista-e tea louche louzü, puhye sü rathobuh hinou hutalai tea Jihudimai taonou kukou chere.

JOHAN 9:35

Puletao nou puhye hulaire touyu sü Jisu nou chouloure, alia puhye ve ngaolouyu kisü puhnou puh hi paoe, “Ne Mai Nahpoutuye louchewu?”

JOHAN 9:40

Buh sühinou puhye koa buyu Phariseemai kamainou süsü chouloua puh hi paoe, “Eletao-a nghi chawu?”

1 KORINTHMAI 5:13

Ana vakouhi buyu maitaoye sü Ramai nou chikulai. Sheeyu larübvü nou paoyu büe, “Neletao hrohinou mai ashi naye sü phawuwo.”

GALATIAMAI 2:15

Chechenou, Eletaowo Jihudimai alisoua nakoue ea paoyu büa, “Mahmai tahrüh kukhemai,” moe.

EPHESAMAI 2:3

Chechenou Eletao hrülai-a puletao bübaie ea lah Eletao pfüphao ea tsünou züpayu tali soua Eletao vasou züpa thaifü-a hrüe. Alia südonou Eletao sü zhai thaifüa deiphaomai kukhe büa Ramai rarou lekhavei nahmaitao baire.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”

3 JOHAN 1:10

Südonou Enou velouzü, puhnou soua buyu süolouzü shi-kha chinou Eletao pei hi puhnou raochichi-a buyu teiteisü popa ngaopeilai. Alia sükoutea khamoa puhnou thaihou jürai maitaoye-a shepei bae, alia puletaoye shepei nüyu maitaoye-a puhnou nuwe ea puletaoye lüloumaime hinou hutawe.

3 JOHAN 1:9

Enou lüloumaime hi jüshoyu seiko ali rüve, ana puh lah aduna sounüyu Diotrephes nou Enou süthai peiyu sü popei bae.

PONGAOPEIYU 13:17

Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.