JOHAN 9:31 - SHEEYU BAIBEL (BSI)

³¹ Ramai nou mahmai pai keipei moe, ana maita linou Ramaiye thoa puh leli soulouzü, Ramai nou puh paisü keipeiwe touyu Ehnou süwe.

JOHAN 9:31 Iomraidhean Croise

SHURAI 19:29

Ana Ramai nou deikho hi buyu nuhdu ahaiye souhayu kisü Puhnou Abraham ye lichopeie, alia Lotye panou hriloure donou tupaloue.

SHURAI 20:7

Ana chuo mai chapfü sü maipuo hi dakhai peio, daiolouzü puh hai rachipaolayu mailie alia neye panou thaimore donou puhnou neye veachi paopeilai. Ana nenou naotupaiye lukhai peimo louzü, ne alia nevei mai hrülaiye sü southa khai bailai touyu sülo.”

JOB VEI LARÜBVÜ 35:12

Puletaoye soukha peio tea kra-a nou khowe, ana Ramai nou kei peimoe, daiolouzü puletao hai khaophu soua ashi vah souyu mai baie.

JOB VEI LARÜBVÜ 35:13

Puletao hai hamako hinou kra-a rawe; Khoukhoulai Ramai nou puletaoye sü ngaomoe ae puletao vei pai choumoe.

JOB VEI LARÜBVÜ 42:8

Südonou chode anai ae zhaotu anai poloua Job hi pfüve Job ye panou neletaoye donou naasou-a mei dei-a posheela peikhaio. Job nou neletaoye donou veachi paopeilai ae Enou puhvei veachi sü kei-nou pei-a neletao nou ngaozüa buyu hraongu nasü panou ngaolai moe. Job büa neletao hai Eye donou acheche chi paomoe.”

LOUTAO 106:23

Ramai nou puhvei maitaoye souha laire tea buyu phaki, puhnou dopa louyu puhvei kilai, Moses nou Ramai nghoujü hinou laloure, ae puhvei lekha rarou nou puletaoye souhalai tea buyu nasü ngichao loure.

LOUTAO 143:10

Ne hai avei Ramai-e; nevei jüpa leli nasü Eye doupeio. Ahi maiveih shopeio, ae Eye ludu aveih hinou süthaisa-a tapeio.

LOUTAO 145:19

Puhye tsükhoua buyu maitaoye sü puhnou puletao vei jüpa na khesü peie; puletao nou krayu paisü puhnou chouloua puletaoye khailupa peie.

LOUTAO 18:41

Soukha peio tea puletao nou kra-a khowe, ana puletaoye sü maili noua vupa peimore; puletao nou Mapao ye ku-e, ana puhnou puletao vei khoyu nasü keipei more.

LOUTAO 40:8

Nevei leli nasü Enou jüpa shopoa nou souwe, Oh avei Ramai! Nenou paodou peiyu khesü avei tsüle hi pothou khailoure.

LOUTAO 99:6

Moses ae Aaron hai puhvei napao-e, ae Samuel hai puh hi veachi paoyu mai ali-e; puletao nou Mapao ye kue, ae puhnou puletaoye sü chila peie.

TSÜCHITAO 15:29

Mai aveih maivei veachi sü Mapaonou kei peiwe, ana maishi maivei louzü pomoe.

TSÜCHITAO 21:13

Touha mainou krayu pai kei bayu mai nawo puh-a vuli kra palai, ana mai linoua puh pai sü kei peilai moe.

TSÜCHITAO 28:9

Chikha zümoyu mai linou veachi paoyu hai, Ramai nou puhvei veachi sü keira sho-a bailai.

ISAIAH 1:15

“Neletao nou bah lapoa veachi paoyuma Enou zhu peilai moe. Neletao nou shusoua veachi alao paoyuma Enou keipeilai moe, daiolouzü neletao vei bah hisü zhe khai-a bubaie.

ISAIAH 58:9

Süthaisü neletao nou veachi paoyu phaki Enou keinou peilai, neletao nou Eye kuyu phaki Enou khe peilai. “Neletao hrohi maiye souvea souchoroyu bailouzü, ae maiye bahtou nou raopoa chilako ashi paoyu khaita louzü,

JEREMIAH 11:11

Südonou chuo Mapao Enou puletao pei hi hashi pfüve peilai, ae sühisü puletao nou turei palou laimoe. Puletao nou shusoua Eye la-a soukha khoyuma, Enou kei peilai moe.

JEREMIAH 14:12

Puletao nou tovai rei-a lüa ahinou soukha peio tea veachi paoyuma, Enou kei peilai moe, ae puletao nou poukai nüvei meidei-a Eye posheela pei-a buyuma Enou popeilai moe. Ana Enou puletao hi khoche, tokaayu ae sounou ashi sünou seive souhalai.”

JEREMIAH 15:1

Süthaisü Mapao nou ahi paoe, “Moses ae Samuel nou mai haitao donou laloua ahinou zhuvea peio tea khoyuma, Enou mai haitaoye zhuvea peilai moe. Puletaoye panou anghingao hinou tavai talouo.

EZEKIEL 8:18

Avei lekha rarou nasü puletao mai hrülai hisü velai. Puletao mai ali koute-a Enou phapeilai moe, ae puletao hi zhuvea leshiyu hai ali-a ngaopeilai moe. Puletao nou pai chilou süyu koute pai chi-a nou shurasoua ahi veachi sü paolai, ana Enou puletao vei veachi sü kei peilai moe.”

MIKAH 3:4

Neletao nou Mapao hi kra khoyu teile sü velaire, ana puhnou neletaoye chila peilai moe. Puhnou neletao vei veachi sü keipeilai moe, daiolouzü neletao nou vah ashi sü soure.

ZEKHARIAH 7:13

Enou kuyu phaki, puletao nou keipei bare, südonou chuo puletao nou Eye kuyuma, E-a keipei laimoe, teanou Khoukhoulai Mapao nou paoe.

JOHAN 11:22

Ana chukoutea Enou süe süolouzü nenou Ramai hinou khoyu talisü Ramai nou nehi peilai.”

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

JOHAN 9:30

Mai sünanou chila peie, “Neletao nou puh hai daikinou vesa touyu sümoyu hai khupa shoyu alie, ana puhnou Anghi chayu souvei peie!

JOHAN 9:32

Deiphao soushu rainou maita linoua nghicha-a nakouyu mai tali nghithou souhepa peire touyu choukhai mohie.

PAODAKHAIYU CHIKHA 1:45

Süphaki neletao nou kra-a Mapao hi dakhai veyu phaki, puhnou neletao paisü chou-a choupei more ae kei-a keipei more.

EBRIAMAI 10:7

Süthaisü Enou paoe, ‘Zhukhaio, A vanou razhai larübvü hi rüthou khaiyu büa, Oh Ramai, ne leli nasü soure donou Esü veloure.’ ”