JOHAN 9:3 - SHEEYU BAIBEL (BSI)

³ Jisu nou chila peie, “Haisü mai hainanou moa puh pfüpuo nou mahyu donou moe, ana Ramai vei khupa vah hai puh vanou pongaore donou baie.

JOHAN 9:3 Iomraidhean Croise

JOB VEI LARÜBVÜ 21:27

Eye panou mah souloure donou neletao nou tsücho-a buyu tsüle sü Enou süwe.

JOB VEI LARÜBVÜ 32:3

Mai asütao nou Job vei chila peilou hokhaie, Ramai nou mahyu büa ngao-a baire, südonou puhnou Job vei samai asütao pei hia rarou shore.

JOB VEI LARÜBVÜ 42:7

Mapao nou Job hi chi paore paopei cheyu thai, puhnou Eliphaz hi paoe, “E ne pei hi ae nevei samai ahai pei hi rarouwe, daiolouzü neletao avanou avei kilaio Job büa acheche-a chi paomoe.

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

JOHAN 11:4

Ana Jisu nou ko süna choulouyu kisü paoe, “Sou hainasü thaire donou moe; haisü Ramai khouko-ava pongaore donou baie, alia süna vanou Ramai Nahpoutuye paosholai.”

JOHAN 11:40

Jisu nou puh hi paoe, “Nenou louchea bulouzü Ramai vei khouko avasü ngaolai tea Enou nehi paomowu?”

SEI-ATAMAI VAHTAO 28:4

Nghou sünanou Paul bah hinou taozhu-a buyu sü teidei sühi maitao nou ngaolouyu kisü puletao alinou lihi haibüa paoe, “Mai haina hai veikhaimoa maiye southeayu mai ali-a malae. Alia puhnou zai hinou tupalou khaia, Ramai vei acheche chikuyu sünanou panou puhye hrikhai laimoe.”

SEI-ATAMAI VAHTAO 4:21

Alia maikhemai donou puletao nou puhaiye tudee peiloure dolia phouhaloua puhaiye soupipu peiwu-a phapeire; daiolouzü maikhemai hrülainou pa-a buyu sütao vanou Ramaiye sholoure.

1 JOHAN 4:16

Südonou Eletao nou Ramai nou Eletaoye donou leshi buyu nasü süwe ea louchewe. Ramai hai leshina baie, alia leshi hinou tobai soumoa buyu puhsü Ramai hinou tobai soumoa bue, alia Ramai sü puh hi tobai soumoa bue.

1 JOHAN 4:9

Alia puh vanou Eletao hai hriloure donou Ramai nou puhvei likhuyu Nahpoutuye deiphao hi seikou peiwua, puh leshisü Eletao hi ngaopeiwure.