JOHAN 9:22 - SHEEYU BAIBEL (BSI)

²² Puh pfüpuo nou Jihudimai taoye piyu donou sünahai paoe, daiolouzü maita linou Jisu ye Khrista-e tea louche louzü, puhye sü rathobuh hinou hutalai tea Jihudimai taonou kukou chere.

JOHAN 9:22 Iomraidhean Croise

TSÜCHITAO 29:25

Maiye piyu haio rüh hi lou-a baiwe, ana Mapao ye louche-a bulouzü zhouvei-a bailai.

ISAIAH 51:12

Mapao nou paoe, “Enou neletaoye soukhou peiyu nasüe. Neletao thaita-a bailaiyu maiye sü daisounou ngaopiwe?

ISAIAH 51:7

“Acheche süyu maitao, Enou paoyu keilo, neletao vei tsüle hi avei chikha pothou khaitoua buyu maitao, mainou neletaoye paoshi-a züyu sü ngaopiso, ae puletao nou cha-a züpeiyu vanou neletao chathai taso.

ISAIAH 57:11

Mapao nou paoe, “Neletao ramai kataoye ngaopi loua ahi madawe ae Eye ngaiwe? Neletao Eye tsükhoumo tayu sü Enou neletao hi teile phasho-a chakhai toumoa nasha tea buyu donouvu?

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 1:19

Alia Jerusalem hinou Jihudimai taonou Johan hi napaomaitao ea Levi maitaoye seive-a panou puh hinou, “Ne thaoh-e?” tea ve nouyuki Johan nou haibüa zhopaoh peie.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 19:38

Süthaisü Arimathea hinou veyu Josef nou Pilat hi taveloua Jisu pfüphao sü khoe. Josef hai Jihudimai taoye piyu donou kheikhei soua Jisu thaifü tayu rozümai alie. Pilatnou süna poloure chi lüpeiyu donou puhnou taveloua puh pfüphao nasü poloure.

JOHAN 20:19

Rathozhou süna koukhe hisü rozümai taonou Jihudimai taoye piyu donou kikhu khua vedzü louyu kisü, Jisu nou tave puletao hrohinou laloua puletao hi paoe, “Neletao hi kaonayu buloutheo.”

JOHAN 7:13

Ana Jihudimaiye piyu donou maita linoua dua puh vanou chi paomoe.

JOHAN 9:18

Ana Jihudimai taonou nghichayu hinou ngaolouyu mai süna pfüpuoye kuloumo sasü puh hai nghichae ea chuo ngaoloure touyusü alia louche moe,

JOHAN 9:21

Ana chuo puhnou kakua ngaolousa, moa thaohnou puh nghi souvei peisa touyu Ehnou sümoe. Puh hai tsüre, alia lah puh vanou paolou süe, puh hinou noukhaio.”

JOHAN 9:34

Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

JOHAN 9:35

Puletao nou puhye hulaire touyu sü Jisu nou chouloure, alia puhye ve ngaolouyu kisü puhnou puh hi paoe, “Ne Mai Nahpoutuye louchewu?”

SEI-ATAMAI VAHTAO 4:18

Südonou puletao nou puhaiye kuda khailoua Jisu zhih hinou hatalia paokhai more moa doupei more donou tukhatsü peire.

SEI-ATAMAI VAHTAO 5:13

Kukhe maitalinoua khuveia puletao hi lou zholou moe, ana maikhe mainou puletaoye sü tsükhoushoa bue.

SEI-ATAMAI VAHTAO 5:40

Südonou puletao nou puhvei chi sü poloure, alia puletao nou sei-atamai taoye kulouloua puletaoye sü dapeiwu-a ea Jisu zhih hinou hatalia paokhaiso tea tukhatsü peiwu-a puletaoye phapeire.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”