JOHAN 8:6 - SHEEYU BAIBEL (BSI)

⁶ Puletao nou chi haisü puh pei hi mah dukhaire do phoupa loure donou puh zhai zhua paobaie. Jisu nou kikouloua puh bahtounou kou deiphihi rüe.

JOHAN 8:6 Iomraidhean Croise

SHURAI 49:9

Judah hai souveo khihaoe, Puhye haiyu maiye southawua lah puh phehi dakhailou bubaie, Puhnou zünü louzü züloulai ae tanü louzü taloulai Mailia puhye daihao louhoe.

LOUTAO 39:1

Enou paoe, “Avei müli ye panou chi pao mah more donou E soutaosoua nou hrülai; mai ashi mainou anghiki buyu phaki E chi ali koute-a raolai moe.”

TSÜCHITAO 26:17

Mainou züvayu li hi louzhoyu hai hao-a laiyu sei ali nou daoyu büa baie.

KOPAODOUWO 3:7

Paiphyare teile ae rümure teile; pai hazhi tea bure teile ae chipaore teile;

JEREMIAH 17:13

Oh Mapaowo, Israel maitao vei areih nasü ne baie; neye thaowua tayu mai hrülai hai hraongu ngaolai. Puletao vei zhih sü vonai phaohi rükhai touyu büa ngaomota bailai, daiolouzü puletao hri-a buyu dzüla, Mapao neye thaowure.

DANIEL 5:5

Sübüyu phateile hinou, meibvü taokhai touyu pe hisü nou bah ali nou kou kivo vasü larücha rüre, alia veo nou bah ali nou kou larücha rüyu sü ngaoe.

AMOS 5:10

Romü likinou cheche monaye paodou peiyu mai alia acheche chi paolai maitaoye sü neletao nou ngaorae.

AMOS 5:13

Südonou tsüveiyu mai hai haibüyu teile hisü paipawu moe, daiolouzü teile hai veimoe.

MAIPEI PHOUYU 14:22

mai haitao ali koute-a teidei sühisü panou loulai moe. Puletao nou avei ava alia Enou Ejipt hinou ae radeiki hinou khupayu vah haso soupeiyu khesü ngaoloure, ana Eye ngaophou moa vu taoli hai avei chi zübare.

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 15:23

Ana Jisu nou puh hi ha chila lia peimoe. Puh rozümai taonou puh hi veloua puh hinou khoa paoe, “Puhye seitawo! Daiolouzü puh nou shusou raoloua Eletao thaifüa laiwe!”

MATHIU 16:1

Alia Phariseemai ea Sadukimai kamainou Jisu hi taveloua puh zhai zhure donou puhye nou raki vanou sheeli puletao hi ngaopeio tea puh hinou khoe.

MATHIU 19:3

Phariseemai kamainou puh hi taveloua puh mah phoupa loure donou puh hi noue, “Qo tali vanou mai linou puh chapfüye ralou veiyu razhai buwu?”

MATHIU 22:18

Ana Jisu nou puletao vei do ashi nasü süloua paoe, “Aveikho soumaitao! Daisoua Azhai zhuwe?

MATHIU 22:35

Alia puletao hrohinou Razhai dou-apeimai alinou Jisu zhai zhure donou puh hi chili noue.

MATHIU 26:63

Ana Jisu nou hachi lia paokhai moe. Alia napao peicha nanou puh hi paoe, “Hriyu Ramai zhih hinou Enou neye kharochi peia paowe, nehai Ramai Nahpoutu Khristae toulouzü Eletao hi paokhaio.”

MARK 10:2

Phariseemai kamainou puh hi taveloua puh mah phoupa loure donou puh hi noue, “Mai aliye donou puh chapfüye rayu razhai buwu?”

MARK 12:15

Ana Jisu nou puletao dosü süloua puletao hi chila peie, “Daidonou neletao Eye zhai zhuwe? Ahi husha ali povepeio, alia Eye panou süsü zhukhaio.”

MARK 3:2

Sühisü Jisu pei hi mah dukhai nüyu kamaia bue; südonou puletao nou soutaosoua Jisu nou Soteithezhou mai sünaye souvei peilaiho mosa tea choh-a bue.

MARK 8:11

Phariseemai kamainou Jisu hi taveloua puhye veiva loure. Puletao nou puh mah phoupalou nüwe, südonou puletao nou puh hinou Ramai nou puhye ae-ao touwe touyu pongaore shee ali soungaokhaio tea khoe.

LUK NOU RÜYU KO AVEIBVÜ 10:25

Alia zhukhaio, razhai dou-apeimai alinou Jisu mah phoupare donou lashuloua puh hi noue, “Dou-apeio, teisa ahri ngaoloure donou Enou dai soulai?”

LUK NOU RÜYU KO AVEIBVÜ 11:16

Kukhemai taonou Jisu vei mah phoupalou nüa raki hinou shee ali pongaore donou puh hinou khoe.

JOHAN 8:2

Thainaisho shohna sü puh hai Rathoki hi tavepu khaire; sükisü maikhemai veishinou puh hi tave loure, alia puhnou kou buloua puletaoye doushu tare.

1 KORINTHMAI 10:9

Puletao kamainou Mapaoye zhai zhua puletaoye nghounou daotheayu büa Eletao nou Mapaoye zhai zhuwu laimoe,