JOHAN 8:58 - SHEEYU BAIBEL (BSI)

⁵⁸ Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

JOHAN 8:58 Iomraidhean Croise

TAPALOUYU 3:14

Ramai nou Moses hi paoe, “E sü E baie. Ne taho Israel mai hisü haibüa paopeio: ‘E tea kuyu nanou Eye sü neletao hi seivewe.’”

ISAIAH 43:13

E sü Ramai-e ae teisa nou süna soulai. Mai ali koute-a abah hinou tupa louhoe; Enou souyu vah haso khesü mai linoua soudalai louhoe.”

ISAIAH 44:6

Mapao, Israel maivei Veo ae Khailupa-apeio, Khoukhoulai Mapao Ramai nou haibüa paoe, “Enou arai nasüe ae akhai na-a E baie, E baimoa ramai kukhe ali-a ha-e.

ISAIAH 44:8

Ngaopiso, moa maiye piso, Enou vepare teitei sü raichoki nou neletao hisü paopei movu? Neletao hai avei shaki soure maitao-e! E baimoa rah kukhe-a bupu hivu? Rah kukhe bupu hie touyu halia E sümoe.”

ISAIAH 46:9

Daoh raichoki daie vepare touyu khesü licho khaio; daiolouzü E hai Ramai nasüe, ra kukhe alia ha-e, ae Eye raiyu ramai kukhe ali-a ha-e.

ISAIAH 48:12

Mapao nou paoe; “Enou kulouyu Israel maitao, achi sü keilo! E hai raikayu ae nakayu Ramai nasüe!

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

JOHAN 10:25

Jisu nou puletao hi paoe, “Enou neletao hi paongaowure, ana neletao nou Eye louche peimoe. Apuo zhih hinou Enou souyu vah sütaonou Avanou zhopaoh peiwe;

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 8:24

Südonou neletao hai neletao mah hinou thailai tea Enou paoe; daiolouzü ‘E-e touyu puhsü E-e’ tea neletao nou louche molouzü neletao vei mah hinou neletaosü thailai.”

JOHAN 8:28

Südonou puhnou puletao hi paoe, “Neletao nou Mai Nahpoutuye polashuyu kinou ‘E-e touyu puhsü E-e’ touyu hai neletao nou süloulai; süthaisü Enou halia Amadonou soumoe ana Apuonou Ahi doupeiyu thaifüa haitaohai paobaie touyusü neletao nou sülai.

JOHAN 8:34

Jisu nou puletao hi chila peie, “Enou neletao hi cheche vuzünou paowe, mah souyu mai talisü mah kilai nasüe.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

KOLOSSEMAI 1:17

Na veishi jühinou Khrista hai bue, alia puh hinou na veishiye sü paimupoa bue.

EBRIAMAI 13:8

Jisu Khrista hai doa, zhoua ea teisa nou kheihao baie.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 2:8

“Smurna hi buyu lüloumaimevei rakivamai nahi rükhaio: “Chi haitaosü araikha ea nakhana soua buyu, thailoua hripulou khaiyu puh chipaoe.