JOHAN 8:55 - SHEEYU BAIBEL (BSI)

⁵⁵ Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

JOHAN 8:55 Iomraidhean Croise

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 9:3

Puletao hai teile busasü dayu chi paore donou bua baire; cheche-a teidei khore thaosü tsüle shee more. Mapao nou paoe, “Avei maitao nou vah ashi souyu thainou soupu khaikhai-a baire, ae E hai puletao vei Ramai nasüe touyu süpei more.”

HOSEA 5:4

Lah puletao nou souyu vah sovei nanou puletaoye sü panou Ramai hi dakhai veloure ludu dakhawu baire, daiolouzü puletao nou chilee moyu hrü hüyu jüpaloua Mapao ye sülou more.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 6:46

Süolouzü maita linoua Puoye ngaoloure toumoe; Ramai hinou veyu puh likheinou Puoye ngaobaie.

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:29

Alia Eye seive peiyu puhsü Eye koa bue; puhnou E likhu thaopei moe, daiolouzü Enou teisanou puh züpasü souwe.”

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

JOHAN 8:52

Jihudimai taonou puh hi paoe, “Chuo Eletao nou nehi rashi ali bue touyu sü süloure. Abraham-a rachi paolamaitao-a thaikhaire, ana ‘Maita linou Achipao hai züa bulouzü, puhnou athai nasü daokhai laimoe;’ tea nenou paoe.

SEI-ATAMAI VAHTAO 17:23

Daiolouzü Enou taveloua neletao nou thoyu na taosü zhuyu kisü Enou sheelabuh ali hinou, ‘Sümoyu ra alihi’ tea rüthoukhai touyu sü ngaoe. Südonou neletao nou sümoa thoyu nasü Enou neletao hi paongaowe.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

1 JOHAN 1:6

Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

1 JOHAN 2:22

Sübülouzü dayu nasü thaoh-e? Puhsü Jisu hai Khristae touyu bayu nasüe. Sübüyu mainasü Puo ea Nahpoutuye bayu Khrista vei ngaobamai sünasüe.

1 JOHAN 2:4

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.