JOHAN 8:46 - SHEEYU BAIBEL (BSI)

⁴⁶ Neletao hrohinou thaohnou Eye mah paodukhai peilou süe? Enou acheche paowe toulouzü, daidonou neletao nou Eye louche peimoe?

JOHAN 8:46 Iomraidhean Croise

MATHIU 21:25

Johan vei dzükhao dayuhai daikinou ve-e? Sünahai rakinou veho, mai hinou ve-e?” Alia lah puletao hronou veiva-a paoe, “Eletao nou ‘Rakinou ve’ tea chila peilouzü, puhnou ‘Sükulouzü neletao daidonou puhye louche moe?’ tea Eletao hi paokhailai.

MARK 11:31

Alia lah puletao hrohinou veiva-a paoe, “Eletao daichi paolai? Eletao nou, ‘Ramai hinoue,’ tea chila peilouzü, puh nou, ‘Sükulouzü daidonou neletao Johan ye louche moe?’ tea paolai.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 16:8

Alia puhnou veyu kisü, deiphao maiye mah vanou, acheche vanou ea chikuyu vanou puletao hai mahre touyusü panou süloulai:

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 8:47

Ramai hinou veyu puhnou Ramai chipaotao keiwe; neletao nou chipao sütao keibayu louzü neletao hai Ramai hinou vemoe.”

JOHAN 8:7

Alia puletao nou puh hi chi noua buyu hinou, puhnou lashuloua puletao hi paoe, “Neletao hrohinou mahlia hayu puh panou raikaia puhye sü chuhnou deikhaio.”

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

1 PITAR 2:22

Puhwo mah lia soukhai moe, alia puh tai-lü hinou madayu chi hakia choukhai mohie.