JOHAN 8:44 - SHEEYU BAIBEL (BSI)

⁴⁴ Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

JOHAN 8:44 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

1 VEMAITO 22:22

‘Kabüa nou soulai?’ tea Mapao nou puh hi noue. Rakivamai nanou haibüa chila peie, ‘Enou taho Ahab vei rachipaolayu mai hrülai hisü dayu rako thoupeilai.’ Mapao nou puh hi paoe, ‘Ne taho sübüa soupeio, ae nenou veiloulai.’ ”

1 PUOPAOKO 21:1

Saitan nou Israel mai hi veahoyu povepei nüloure, südonou puhnou David veo panou Israel maipei phoure donou lela loure.

JOB VEI LARÜBVÜ 1:11

Ana puh vei buyu teitei sü nenou podakhai louyu thaiwo, veikhai toumoa puhnou neye chaa-a bailai.”

MATHIU 12:34

Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe.

MATHIU 13:15

daiolouzü puletao lehai kaorou tare, alia puletao nou sü vaongiwure, ea puletao nghisü mailoure. Molouzü puletao nghinou ngaolou shulai, puletao nounou choulou shulai, puletao lenou sülou shulai alia puletao nou Ahi dakhai veloua Enou puletaoye souveipei shulai, tea Ramai nou paoe.’

MATHIU 13:38

dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe;

JOHAN 6:70

Jisu nou puletao hi chila peie, “Enou neletao kiahaiye dolou mowu? Ana neletao hrohinou aliwo louzü rashi nasüe!”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

JOHAN 8:38

Enou Apuoye koa ngaoyu nasü Enou paowe, alia neletao nou neletao puo hinou choulouyu nasü souwe.”

JOHAN 8:41

Neletao puonou souyu vah nasü neletao nou souwe.” Puletao nou puh hi paoe, “Eletao louzü khanah moe; Eletao vei puo ali bue, süolouzü Ramaie.”

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

SEI-ATAMAI VAHTAO 13:10

puh hi paoe, “He! do ashi amadanou phoupeia buyu, acheche teiteiye ngaobayu rashivei nahpoutu, newo Mapao vei acheche ludu nasü süthaima süthaimoyu thaolai mowu?

SEI-ATAMAI VAHTAO 24:9

Alia puhnou paoyu chi sütao teitei sü cheche-e tea Jihudimai taonou puh mü boloure.

SEI-ATAMAI VAHTAO 5:3

Ana Pitar nou puh hi paoe, “Anania Rako Mashi hi mada loure ea füdei zholouyu hinou zha polo pokhai loure donou Saitanye panou daidonou ne lekhe hi phouloure?

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

2 PITAR 2:4

Mah souyu rakivamai taoye Ramai nou tudei moa khaimoe, ana puletaoye sü meizai buh hi laithoure, sühinou puletaoye sü teizhi hinou phukhaiwu-a Chikuyu Teithe sünasü panou khoa buwe.

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:21

Südonou Enou neletao hi rüwe, süsü neletao nou achechena sümoyu donou moe, ana neletao nou sünaye süyu donoue, alia achechena hinou madayu ali-a vemoe touyu süna-a neletao nou süwe.

1 JOHAN 2:4

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 3:12

Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

1 JOHAN 3:15

Puh thaihou jüraiye ngaorayu maitalisü maiye southeayu maibaie, alia neletao nou süwe süolouzü maiye southeamai puh hisü teisavei ahri nasü hae.

JUD VEI SEIKO 1:6

Alia lah puletao vei buh hinou bumoa puletao vei chekhaoyu buh nasü thaowu-a tayu rakiva maitaoye sü puhnou Dushoyu Chikuyu Teithe süki koumo sasü hakhailai moyu hurainou phuloua khekou teizhi buh hi bekhaire.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.

PONGAOPEIYU 9:11

Puletao pei hisü akhai hayu raobvü sünaye khoyu rakivamai sünanou veo soua bue. Puh zhihsü Ebriamai la hinou Abaddon toue; alia Greekmai la hinou puh zhihsu Apollion toue (sünavei kowo louzü “Souha peiyuna” toue).