JOHAN 8:42 - SHEEYU BAIBEL (BSI)

⁴² Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

JOHAN 8:42 Iomraidhean Croise

MALAKAI 1:6

“Nahpoutu lihai puo ye tsükhouwe, alia kilai maili sü kipaopu ye tsükhoue; sükulouzü, E hai neletao vei puo louzü, neletao nou Eye tsükhouyu sü daiki bue? E hai neletao vei paopue toulouzü, Eye khuhraoyu sü daiki bue?” teanou Hrülai pei hi Mapao nou puh zhih ngaophou moyu napao maitao hisü paoe. Ana neletao nou paoe, “Kabüa Etao nou ne zhih ngaophou moe?”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

JOHAN 5:43

Enou Apuo zhih hinou ve, alia neletao nou Eye popei moe. Mai kukhe alinou lah puh zhih hinou velouzü, puhye sü neletao nou popeilai.

JOHAN 8:14

Jisu nou chila peie, “Elah Avanou zhopaoh peia bu-a Azhopaoh hai chekhaoe, daiolouzü E hai daikinou vesa ea daiki tahosa touyu hai Enou süwe, ana neletao nou E hai daikinou vesa moa daiki tahosa touyu hai sümoe.

1 KORINTHMAI 16:22

Maitalinou Mapaoye leshi molouzü, puhsü cha ngaotheo! Maranatha — Eh Mapao, thala-a vepeio!

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,