JOHAN 8:37 - SHEEYU BAIBEL (BSI)

³⁷ Enou neletao hai Abraham tyaonahmai taoe touyu süe; ana neletao nou Eye southeare donou phouwe, daiolouzü Achipao hai neletao lekhehi buh hae.

JOHAN 8:37 Iomraidhean Croise

MATHIU 13:15

daiolouzü puletao lehai kaorou tare, alia puletao nou sü vaongiwure, ea puletao nghisü mailoure. Molouzü puletao nghinou ngaolou shulai, puletao nounou choulou shulai, puletao lenou sülou shulai alia puletao nou Ahi dakhai veloua Enou puletaoye souveipei shulai, tea Ramai nou paoe.’

MATHIU 3:9

Alia Abraham hai neletao puopaoe tea pao-a Ramai rarouna hinou tutalou süe tea neletao nou chowuso. Enou neletao hi paoe, süolouzü Ramai nou chuh toutu haitao poloua panou Abraham vei tyaonahmaitao palousüe!

JOHAN 10:31

Sükisü Jihudimai taonou puhye deire donou kou chuh polou khaire.

JOHAN 11:53

Südonou sü teithe hinou shua puletao nou puhye southeare donou chi kutare.

JOHAN 5:44

Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:19

Moses nou neletao hi Razhai nasü peimowu? Ana neletao maili koutea Razhai nasü reimoe. Neletao daivanou Eye southeare phouwe?”

JOHAN 7:25

Südonou Jerusalem hi buyu mai kamainou paoe, “Puletao nou southealai tea phouyu mai nasü haina mowu?

JOHAN 8:33

Puletao nou puh hi chila peie, “Eletao louzü Abraham tyaonahmai taoe, alia maitali vei kilai soukhai mohie. Südonou nenou ‘Neletaoye mado soupeilai’ tea paoyusü daiye paowe?”

JOHAN 8:43

Neletao daidonou Enou paoyu sülou moe? Haisü neletao nou Achipao pfülou hoyu donou baie.

JOHAN 8:56

Neletao puo-pao Abraham nou Ateile nasü ngaolai tea lesae, puhnou sünasü ngaoloue ea le sashoe.”

JOHAN 8:59

Südonou puletao nou puhye deire donou chuh kou poloure; ana Jisuwo puh lah tutsü loua Rathoki hinou tapare.

JOHAN 8:6

Puletao nou chi haisü puh pei hi mah dukhaire do phoupa loure donou puh zhai zhua paobaie. Jisu nou kikouloua puh bahtounou kou deiphihi rüe.

SEI-ATAMAI VAHTAO 13:26

“Athaihou jürai soua buyu Abraham nahmaitao ea neletao hrohinou Ramaiye pi-a hrüyu tahrüh kukhe maitao, Eletao hisü khailupeiyu ko haina seive peikhaitoue!

ROMMAI 9:7

Moa Abraham tyaonah hrülai sü Ramai nah khaimoe. Ramai nou Abraham hi paoe, “Enou nehi apaopei khaitouyu tyaonah taosü nenou Isak vanou ngaoloulai.”

1 KORINTHMAI 2:14

Ana pfüphao zhai thaifüa hrüyu mainou Ramai Rakovei sapeina taosü ngaolouhoe, daiolouzü sütaosü puhye donou avobaie, alia puhnou sütaosü sülouhoe, daiolouzü sütaosü Rako hilovei tsü pfüa sülou bailai.

1 JOHAN 2:14

Anah khe maitao Enou neletao hi rüwe, daiolouzü neletao nou Puoye süwe. Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahlemaitao, Enou neletao hi rüwe, daiolouzü neletaosü khouwe; alia Ramai vei chipaosü neletao hinou tobai soumoa bue, alia neletao nou ashinaye sü koloure.