JOHAN 8:33 - SHEEYU BAIBEL (BSI)

³³ Puletao nou puh hi chila peie, “Eletao louzü Abraham tyaonahmai taoe, alia maitali vei kilai soukhai mohie. Südonou nenou ‘Neletaoye mado soupeilai’ tea paoyusü daiye paowe?”

JOHAN 8:33 Iomraidhean Croise

SHURAI 15:13

Süthaisü Mapao nou puh hi paoe, “Ne tyaonah khesü vakou maivei teidei hinou shetumai ali soulai, ae mai qila soua mainou taidei-a po 400 hrülai.

EZRA 9:9

Etao hai kilai maibaie, ana Etao Ramai nou Etaoye ngaipeimoe. Nenou Persia hi veo ye panou Etaoye jüpayu hai soupeie, alia raiki soushi khaitouyu Rathoki ae bouvo nasü soudakhai paloua Etaoye panou Judah ae Jerusalem hi dakhaive hrüpuloue.

LEVIMAI LARÜBVÜ 25:42

Israel mai hai Mapao nou Ejipt maivei teidei hinou hüpa louyu puhvei qila maitao-e; puletaoye sü qila soure donou zhohlai moe.

MATHIU 3:9

Alia Abraham hai neletao puopaoe tea pao-a Ramai rarouna hinou tutalou süe tea neletao nou chowuso. Enou neletao hi paoe, süolouzü Ramai nou chuh toutu haitao poloua panou Abraham vei tyaonahmaitao palousüe!

LUK NOU RÜYU KO AVEIBVÜ 3:8

Neletao hai neletao vei mah hinou le daloure touyu pongaore vah taonou soukhaio. Alia neletao lah neletao hrohinou, ‘Abraham hai Eletao vei puo-paoe’ tea paoshuwuso; daiolouzü Enou neletao hi paowe, süolouzü Ramai nou chuh toutu haitao vanou Abraham hi puhvei tyaonah maitao panou palou süe!

JOHAN 19:25

Ana Jisu kros ngheikinou puhpfü, puhpfü matoupai, Klopas chapfü Meri, alia Magdalini Meri nou la-a bue.

JOHAN 8:37

Enou neletao hai Abraham tyaonahmai taoe touyu süe; ana neletao nou Eye southeare donou phouwe, daiolouzü Achipao hai neletao lekhehi buh hae.

JOHAN 8:39

Puletao nou puh hi chila peie, “Abraham hai Eletao puoe.” Jisu nou puletao hi paoe, “Neletao hai Abraham nahmai louzü, Abraham nou souyu nasü neletao nou souwulai;

JOHAN 8:43

Neletao daidonou Enou paoyu sülou moe? Haisü neletao nou Achipao pfülou hoyu donou baie.

ROMMAI 9:7

Moa Abraham tyaonah hrülai sü Ramai nah khaimoe. Ramai nou Abraham hi paoe, “Enou nehi apaopei khaitouyu tyaonah taosü nenou Isak vanou ngaoloulai.”

CHIKUAPEI MAITAO 2:18

Mapao nou puletaoye donou chikupeimai seive peiyu phaki, Mapao nou chikupeimaiye salai peiwe, ae chikupeimai nou hria bukisa sü puletaoye ngaobamai bah hinou Mapao nou vupapeiwe, daiolouzü ngaobamai nou puletaoye souvea-a tudee buyu nasü Mapao nou ngaoloua zhuvea-e.

CHIKUAPEI MAITAO 3:8

Südonou Mapao nou rarouloua Israel maiye panou Mesopotamia hi veo Kushan-rishathaim khakhe hinou po acha panou hrüe.

CHIKUAPEI MAITAO 4:3

Süthaisü Israel mainou Mapao hinou kra-a soukha khoe, daiolouzü veo Jabin vei rheiluki, hunou souyu kaihkü (900) bue, ae Israel maiye po kai puhnou souvea nou khasa-a hrüe.