JOHAN 8:29 - SHEEYU BAIBEL (BSI)

²⁹ Alia Eye seive peiyu puhsü Eye koa bue; puhnou E likhu thaopei moe, daiolouzü Enou teisanou puh züpasü souwe.”

JOHAN 8:29 Iomraidhean Croise

ISAIAH 42:1

Mapao nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

ISAIAH 42:21

Mapao hai maiye khaipei nüshoyu Ramaie-e, südonou puhnou puhvei chikhatao, ae dou-apei khesü puhvei maitaoye panou tsükhouyu nasü jüpawe.

ISAIAH 42:6

“Mapao, Enou neye acheche hinou kupa dopa loure, Enou neye sü süthaisa-a tapeilai. Ne vanou Enou mai hrülaiye sü koa vo ali soupeilai, alia tyahrü teitei hi Enou ava sü seive peilai.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 3:15

Ana Jisu nou puh hi chila peie, “Chuo louzü sübütheo. Daiolouzü haibüyu zhai hinou Eletao nou Ramai hinou moshilaiyu teitei sü souloulai.” Südonou Johan nou aetou peire.

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

JOHAN 14:31

Ana Enou Apuoye leshie touyu hai deiphaomainou süloure donou Apuonou Ahi chikha peikhai touyu thaifüa Enou soubaie. “Shulouwo, buh haihinou Eletao talairekhe.”

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 16:32

Zhukhaio, neletaosü lahlah kihi poraveloua Eye lah thaokhai laiyu phasü laire, alia chekhaoa pha sünasü veloure. Ana Elah baimoe, daiolouzü Apuonou Eye koa bue.

JOHAN 17:4

Nenou soukhaio tea Ahi peikhai touyu vah nasü souchewu-a Enou neye deiphao hinou soudusho peire.

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 5:30

“E lah Akhoukonou hatalia soulou hoe; Enou choulouyu süna thaifüa Enou chikue; alia Avei chikuyu sü chekhaoe, daiolouzü E lah Aleli phoumoe ana Eye seive-apeio puh leli phoubaie.

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 8:16

Alia Enou chiku yuma Avei chikuyu hai chekhaoe, daiolouzü chikuyu hisü E lah baimoe, ana Eye seive peiyu Apuonou Eye kozhowe.

2 TIMOTHI 4:17

Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie.

2 TIMOTHI 4:22

Mapaowo nou ne rakoye koa buyu souloutheo. Ramai zhuvea nou neletao hrülaiye koa buyu soulouwo.

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.