JOHAN 8:28 - SHEEYU BAIBEL (BSI)

²⁸ Südonou puhnou puletao hi paoe, “Neletao nou Mai Nahpoutuye polashuyu kinou ‘E-e touyu puhsü E-e’ touyu hai neletao nou süloulai; süthaisü Enou halia Amadonou soumoe ana Apuonou Ahi doupeiyu thaifüa haitaohai paobaie touyusü neletao nou sülai.

JOHAN 8:28 Iomraidhean Croise

TAPALOUYU 3:14

Ramai nou Moses hi paoe, “E sü E baie. Ne taho Israel mai hisü haibüa paopeio: ‘E tea kuyu nanou Eye sü neletao hi seivewe.’”

MATHIU 24:5

Daiolouzü ‘E hai Khristae!’ tea paoa mai alaonou Azhih hinou velai ea mai alaoye puletao nou süthai mahwulai.

MARK 13:6

Mai alaonou, ‘E hai puh-e!’ tea paoa Azhih hinou velai; alia puletao nou mai taoliye sümah peilai.

LUK NOU RÜYU KO AVEIBVÜ 21:8

Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso.

JOHAN 11:42

Nenou teisa Akho hai noupeiwe touyu Enou süe, ana nenou Eye seivepeie touyu hai lasühao-a buyu maikhemai taonou louche loure donou Enou chi hainasü paowe.”

JOHAN 13:19

Süna pamojü chunou neletao hi Enou paoa bue, süolouzü süna payu kisü E hai puh-e touyusü neletao nou louche loulai.

JOHAN 16:10

acheche vanou louzü, Esü Puohi talai, alia neletao nou Eye ngaopukhai laimoe;

JOHAN 18:32

Haisü Jisu nou puh hai athai kana tyanou thailai tea paongao peiyu chipao süna vetere donoue.

JOHAN 19:18

Sühinou puletao nou puhye koa kukhemai ahaiye puhvei bahkha zhoulo-nalo hi ea puhyenou puhai kolehi khailoua kros vanou veatheare.

JOHAN 3:11

Chichenou Enou nehi paowe, Ehnou süyu nasü Ehnou paowe, alia Ehnou ngaolouyu na vanou Ehnou zhopaoh souwe; ana nelenou Eh vei zhopaoh popeibae.

JOHAN 3:14

“Alia Moses nou rekounou nghou naye polayu kua, Mai Nahpoutuye-a polashu vuzülai,

JOHAN 4:26

Jisu nou puh hi chila peie, “Neye chipha-a buyu Esü puh-e.”

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 5:30

“E lah Akhoukonou hatalia soulou hoe; Enou choulouyu süna thaifüa Enou chikue; alia Avei chikuyu sü chekhaoe, daiolouzü E lah Aleli phoumoe ana Eye seive-apeio puh leli phoubaie.

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 8:24

Südonou neletao hai neletao mah hinou thailai tea Enou paoe; daiolouzü ‘E-e touyu puhsü E-e’ tea neletao nou louche molouzü neletao vei mah hinou neletaosü thailai.”

JOHAN 8:27

Jisu nou puletao hi Puo vanou paoe tea puletao nou sülou moe.

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

SEI-ATAMAI VAHTAO 2:41

Südonou puh chipao polouyu maitaoye sü dzükhao dapeire, alia teithe süzhounou mai the asüpha puletao mehi thoupu peire.

SEI-ATAMAI VAHTAO 4:4

Ana chipao süna choulouyu mai alaosou louche loure; alia maikhemai sütao pei phouyu kisü mai thengou pha pare.

ROMMAI 1:4

puh vei sheeyu ramai hrü hilonou zhulai toulouzü; puhye sü athai hinou panou hrishu louyu vanou puh hai Ramai Nahpoutue touyu sü dushoyu khouko noupu pongao peire.

PAODAKHAIYU CHIKHA 18:18

Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.