JOHAN 8:21 - SHEEYU BAIBEL (BSI)

²¹ Jisu nou puletao hi paopukhaie, “E talai, alia neletao nou Eye phoulai, ana neletao hai neletao mah hinou thailai, Enou tayu buh hisü neletao velou hoe.”

JOHAN 8:21 Iomraidhean Croise

1 VEMAITO 18:10

Hria buyu nevei Ramai Mapao zhih hinou chaachou soua paowe, süolouzü veo nou neye deiphao hi buyu tyadei veishi hisü phoutare, ae tyadei sünahi mainou neye ngaomoe tea paoyu phaki, Ahab nou neye ngaomo cheche-e tea panou chaachou souwe.

JOB VEI LARÜBVÜ 20:11

Puh pfüzho veisho-a nahlepea-a buyuma puh sü thalasou nai data-a bailai.

TSÜCHITAO 11:7

Mai ashi nanou thaiyu phaki, puhvei areih-a koa thaita-a baiwe, alia Ramai samo maivei kini khesü muh liro ha-a bailai.

TSÜCHITAO 14:32

Mai ashi mai sü lah puletao vei hashi souyu vanou hakata-a baiwe, ana acheche mai louzü puhvei chileeyu vanou baibu ngaolouwe.

ISAIAH 65:20

Nahpumai toua sühisü thailai moe, moa tsümaitao-a hrüh hrüche moyu sü soulai moe. Po kaihli payu mai sü nahle hi-e tea nou polai. Po kaihli pamoa thaitayu maitaoye sü Enou tudee peiwe touyu shee soulai.

MATHIU 23:39

Daiolouzü Enou neletao hi paoe, ‘Mapao zhih hinou taveyu puhsü rako veie,’ tea neletao nou paomo koutesü neletao nou Eye ngaopukhai laimoe.”

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

JOHAN 12:33

Puhnou haibüa paoyu hai kakuyu athai zhaido hinou puh hai thailaisa touyu pongaobaie.

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 13:33

Anahkhemai, phajü donou Enou neletaoye koa bubailaire. Neletao nou Eye phoulai; ana Enou Jihudimai taohi paoyu kua chuo Enou neletao hi paowe, ‘Enou tayu buh hisü neletao nou velouhoe.’

JOHAN 7:34

Neletao nou Eye phoulai, ana neletao nou Eye ngaolaimoe, alia Abuh hi neletao velouhoe.”

JOHAN 7:36

‘Neletao nou Eye phoulai, ana neletao nou Eye ngaolai moe?’ alia ‘Abuh hisü neletao velou hoe’ tea puhnou paoyu hai daiye paosa?”

JOHAN 8:24

Südonou neletao hai neletao mah hinou thailai tea Enou paoe; daiolouzü ‘E-e touyu puhsü E-e’ tea neletao nou louche molouzü neletao vei mah hinou neletaosü thailai.”

EPHESAMAI 2:1

Raikisü neletao hai paoyu zümoyu donou ea mah vanou rako hilonou thaia bue.