JOHAN 8:2 - SHEEYU BAIBEL (BSI)

² Thainaisho shohna sü puh hai Rathoki hi tavepu khaire; sükisü maikhemai veishinou puh hi tave loure, alia puhnou kou buloua puletaoye doushu tare.

JOHAN 8:2 Iomraidhean Croise

KOPAODOUWO 9:10

Nenou soua buyu vah sü eihtea soukhaio; daiolouzü nenou talaiyu rabedushao hio vah lia hae, moa tsüchoyu, moa tsüsüyu, ae tsüveiyu-a hae.

JEREMIAH 25:3

“Po kaisü koute, süolouzü Judah hi veo Amon nahpoutu Josiah nou veo soulouyu po kiasü hinou chukoute hai Mapao nou ahi paopeiyu chipao khesü Enou neletao hi soutaosou paopeie, anou neletao nou kei peibae.

JEREMIAH 32:33

Puletao nou ahinou pah pfüvai tare; ae Enou tobai soumoa puletaoye paodou peia buyuma keipei bare alia doulou bare.

JEREMIAH 44:4

Enou tobai soumoa neletao hi avei kilai rachipaola maitaoye seive Enou ngaorayu vah haso soupfüso tea paopeie.

MATHIU 26:55

Teile süpha hinou Jisu nou maisou taohi paoe, “Maivei saotoumai aliye nilaiyu kua khoche ea süda poa Eye niloure donou neletao tavewu? Teithe tsünou Esü rathoki hinou doupeia bue, alia neletao nou Eye nilou moe.

LUK NOU RÜYU KO AVEIBVÜ 21:37

Alia teithe tsüsü puhnou Rathoki hinou doupei-a bue, ana kheipha hisü puhnou vakouhi taloua Oliv tea kuyu deichi hinou ve chao-a bue.

LUK NOU RÜYU KO AVEIBVÜ 21:38

Alia maikhemai hrülainou puh hinou puhvei chipao keiloure donou shohna tsüsü Rathoki hi tave-e.

LUK NOU RÜYU KO AVEIBVÜ 4:20

Alia puhnou larübvü nasü shikhaiwu-a sünasü sühi vahlaimai hi peida khaire, alia kou buloure; alia rathobuh hi buyu mai hrülai nou puh hisü phetei loure.

LUK NOU RÜYU KO AVEIBVÜ 5:3

Jisu nou sakhao alihi süolouzü Simon vei nahi louloua zaipe hinou saoposhu kaphoua khaipeiwo tea Simon hi paoe. Alia puhnou lou buloua sakhao levai hinou maisouye doupeie.

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 8:20

Puhnou chi haitaosü Rathoki hinou doupeia bubuki Sheelayu sübvü khaiyu kidena hinou paoe, ana maita linoua puhye nilou moe, daiolouzü puh vei phasü vetelou mohie.

JOHAN 8:3

Razhai dou-apei maitao ea Pharisee maitao nou khakha mah soua buyu hinou nilouyu naotumai aliye saveloua puhye panou puletao veishi nghojünou laloure.

SEI-ATAMAI VAHTAO 5:21

Alia puletao hi paopeiyu thaifüa teithe pakhaie, puletao nou Rathoki hi taveloua maikhe mai hi doushure. Chuo napao peichana ea puhye koa laimaitao nou taveloua, tsüme, süolouzü Israel maitao vei aku kulai tsümai hrülaiye kuve dzüloure; süthaisü sei-atamaitaoye puletao nghojühi save loure donou maiye hukhahi seitare.