JOHAN 8:19 - SHEEYU BAIBEL (BSI)

¹⁹ Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:19 Iomraidhean Croise

JEREMIAH 22:16

Puhnou touhayu mai donou checheyu hinou chi kupeie, ha veishi hinou puhsü va-a hrüe. Mapao ye süyu touyu sü haina paowe.

JEREMIAH 24:7

E hai Mapao süe touyu puletaoye panou süloure tsüle sü peilai. Süthaisü puletao hai avei mai soulai, ae Enou puletao vei Ramai soulai, daiolouzü puletao vei tsüle alia hrümai teitei nou peia ahi dakhai velai.

MATHIU 11:25

Teile süpha hinou Jisu nou paoe, “Oh Apuo, raki ea deiphao Mapao! Enou neye kalo paowe daiolouzü nenou tsü veimai ea hasümai nghojünou pokukhai touyu sü nahtumai taohi pongao peire.

JOHAN 1:10

Puh hai deiphao hi bue, alia deiphao hai puh vanou souloue, ana deiphao mainou puhye sülou moe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 7:28

Südonou Jisu nou Rathoki hinou doupeia buyu hinou paikua paoe, “Neletao nou Eye süwe, alia E hai daikinou vesa touyu hai neletao nou süwe. Sütoukhaia, Ehai lah Amado hinou vemoe, Eye seiveyu puh hai chekhaoe, alia puhye neletao nou sümoe.

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

GALATIAMAI 4:9

Ana chuo neletao nou Ramaiye sülouyu donou moa Ramai nou neletaoye sülouyu donou, kakua neletao nou lelou hoyu moa tainou shoyu rakotaovei khakhehi khailou hrüloulai? Daidonou neletao puletao vei kilai khailou soupu khaiyu züpawe?

EPHESAMAI 1:17

alia khouko avavei Puo, Eletao Mapao Jisu vei Ramai hinou neletaoye tsü souvei peiloure ea neletao hi Ramaiye pongao peiwu-a neletaoye panou puhye süloure donou neletao hi Rako nasü peiloure Enou khowe.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

KOLOSSEMAI 1:15

Khrista hai nghithounou ngaomoyu Ramai puhvei zhuraiwo nasüe. Puh hai basha teitei jünou dukayu nah naraiwo süe.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

1 JOHAN 2:23

Daiolouzü Nah Poutuye bayu maitalinou Puoye-a babaiwe; Nahpoutuye popeiyu puhnou Puoye-a popeiwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.