JOHAN 8:12 - SHEEYU BAIBEL (BSI)

¹² Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

JOHAN 8:12 Iomraidhean Croise

JOB VEI LARÜBVÜ 33:28

Ramai nou Eye panou athai maivei teidei hi tamore, chukoute-a Eye panou hri-a buhie.”

LOUTAO 18:28

Oh Mapaowo, nenou avei meivabvü nasü taopeie; ahi zhi-a buyu nasü nenou souva peie.

LOUTAO 49:19

puhvei paipaoh maitao büa puh-a thaita bailai, ae puhnou ava nasü ngaopulou laimoe.

LOUTAO 97:11

Acheche maiye sü ava sünou phupeiwe, ae mai aveih maiye sü savayu peie.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 50:10

Mapao ye ngaopi-a puhye tsükhouyu mai hrülai, ae puhvei kilaiwo chi züyu mai hrülai, neletao nou ta-a buyu ludu nasü zhi-a buyuma, Mapao ye sü louchelo ae neletao vei Ramai hinou bulo.

ISAIAH 9:2

Azhi hinou ta-a buyu maitao hai dushoyu ava ali ngaoloure; puletao hai zhitei touyu teidei hinou hrüa bue, ana chuo ava sünou puletao hisü vapoa bure.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 5:14

“Neletao hai deiphao vei avae. Deichinou soukhai touyu nuhdu nasü poku louhoe.

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 12:36

Neletao hi avana bubu kinou, ava nahmaitao souloure donou neletao nou ava naye sü louchelo.” Jisu nou chi haina paocheyu thaisü, puh lah puletao hinou taloua tutsü loure.

JOHAN 12:46

Eye loucheyu talinou teizhihi bumore donou, Enou ava büa deiphao hi velouloue.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 3:19

Alia chikuyu nasü hainae, süolouzü ava sünasü deiphao hi veloue, ana maikhe mainou avana jünou azhi naye leshi loure, daiolouzü puletao vei vah taosü ashi baie.

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

JOHAN 9:5

Enou deiphao bubusa, Enou deiphao vei ava nasüe.”

SEI-ATAMAI VAHTAO 13:47

Daiolouzü Mapao nou haibüa Eh hi chikha peikhaitoue: ‘Neye panou deiphao akhai koute hi khailu peiyu sü pove peire donou, Enou neye tahrüh kukhemai vei ava panou souloure.’ ”

SEI-ATAMAI VAHTAO 26:23

Süolouzü khailu peiyu vei avana hai Jihudimai hi ea tahrüh kukhemai hi paosü peire donou Khrista hai vea vuzülai ea thaimai hronou rairaikai-a hrishuyu na soulai.”

2 PITAR 2:17

Mai haitao hai thekeikeiyu dzühoung kue ea teikhai teirünou hüpfüa laiyu teihao kue; puletaoye donou thouthoulai teizhi buh süsü Ramai nou souda khaire.

2 PITAR 2:4

Mah souyu rakivamai taoye Ramai nou tudei moa khaimoe, ana puletaoye sü meizai buh hi laithoure, sühinou puletaoye sü teizhi hinou phukhaiwu-a Chikuyu Teithe sünasü panou khoa buwe.

1 JOHAN 1:6

Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

JUD VEI SEIKO 1:13

Puletao sü lah puletao vei ahrao nanou dzümala büa houngpayu shishoyu dzü-akhüh nasüe; puletaosü motayu teivuhtaoe; puletaoye donou maiteiyu teizhibuh nasü teisa donou khaidare.

JUD VEI SEIKO 1:6

Alia lah puletao vei buh hinou bumoa puletao vei chekhaoyu buh nasü thaowu-a tayu rakiva maitaoye sü puhnou Dushoyu Chikuyu Teithe süki koumo sasü hakhailai moyu hurainou phuloua khekou teizhi buh hi bekhaire.

PONGAOPEIYU 21:24

Tahrüh khemai taonou sünavei ava hinou talaita-a bulai; alia deiphao hi vemaitao nou puletao vei kinisü sühi povelai.