JOHAN 7:7 - SHEEYU BAIBEL (BSI)

⁷ Deiphao mainou neletaoye ngaoba louhoe, ana sünanou Eye ngaobawe daiolouzü Enou puh vah taohai ashi baie tea zhopaoh peiwe.

JOHAN 7:7 Iomraidhean Croise

1 VEMAITO 21:20

Ahab nou Elijah ye ngaoloua puh hi haibüa paoe, “Nenou Eye ngaolourevu, Eye hraiyu mai nare?” Elijah nou chila peie, “Enou neye ngaoloure, daiolouzü ne sü Mapao vei nghingao hinou vah ashi likhei soure donou nevei tsüle sü peiwure.

1 VEMAITO 22:8

Ahab nou haibüa chila peie, “Mapao vei leli nasü noupu loure mai ali bupu hie. Puh sü Imlah nahpoutu Mikaiah toue. Ana Enou puhye ngaora-e; daiolouzü puhnou avanou haliro vei-a paopei moe, ana ashi khaikho nou paopei-a baiwe.” Jehoshaphat nou paoe, “Veo, ne sübüa paoyu kaomoe.”

LOUTAO 109:5

Enou vah aveih soupeikhai touyu nasü puletao nou Eye vah ashi sünou paoh khapeie, ae Enou leshi peiyu thaosü puletao nou Eye ngaora peie.

TSÜCHITAO 15:12

Maiye ngaohiyu mai liwo maiye panou souzü peinü moe; puletao hai tsüveiyu mai hinou kabülai touyu sü nouba-e.

TSÜCHITAO 8:36

ana Eye polou moyu mai sü lahye zhiloua baie; Eye ngaorayu maisü athai naye leshia baie.”

ISAIAH 29:21

Maiye da-a nou soumah peiyu maitao, mahmo souyu maiye phaobo peiyu maitao alia acheche maivei zü panou ngaolou moa porei laiyu maikhesü Ramai nou souhawulai.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

JEREMIAH 20:8

Enou chi paolai touyu chüsü, E hai krapa-a baire, ae “Taida-a bure! Soukanghiwure!” tea shapa bure. Mapaowo, Enou nevei chipao paoyu vanou Ewo teisa nou mai chaa pfüa maiye panou pahnü sou-a baire.

LEVIMAI LARÜBVÜ 13:10

ae napao nou puhye sü soutaosou zhulai. Hakinou sou zhimü hisü ka louzü ae sühi mai hai ka-a nou paopa louzü ae zhimü hi ha palouzü,

ZEKHARIAH 11:8

Eye ngaorayu zhaokhomai asütao, E heamea pulou hoyu vanou puletaoye sü khouh ali levainou hulaiwure.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

LUK NOU RÜYU KO AVEIBVÜ 6:26

“Mai hrülainou neletaoye paoshoyu kisü neletaoye donou daizhozhou ngaopisa, daiolouzü puletao vei pai-paomaitao nou-a madayu rachi paolamaitao hisü sübüa paoshopeie.

JOHAN 17:14

Enou puletao hi ne chipao nasü peire; alia deiphao mainou puletaoye ngaorae daiolouzü E hai deiphao hinou moyu kua puletao-a deiphao hinou moe.

JOHAN 3:19

Alia chikuyu nasü hainae, süolouzü ava sünasü deiphao hi veloue, ana maikhe mainou avana jünou azhi naye leshi loure, daiolouzü puletao vei vah taosü ashi baie.

ROMMAI 8:7

Daiolouzü kezhe züpa thaifüa choyu sünanou Ramaiye motouwe; sünasü Ramai vei razhai khakhe hi bumoe, acheche nou sünanou bua bulouhoe.

GALATIAMAI 4:16

Chuo Enou neletao hi acheche nasü paopeiyu vanou Esü neletao vei ngaobamai soutarewu?

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 JOHAN 4:5

Puletao sü deiphao hinou ve-e, südonou puletao nou deiphao vei vanou chi paowe, alia deiphao mainou puletao chi keiwe daiolouzü puletaosü deiphao hinou ve.