JOHAN 7:39 - SHEEYU BAIBEL (BSI)

³⁹ Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

JOHAN 7:39 Iomraidhean Croise

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

TSÜCHITAO 1:23

Enou tudee peiyu chi keitoulo; Enou avei tsütao sü ne hi lapa peilai; Enou avei chipaotao sü neye pa süloulai.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

ISAIAH 32:15

Ana Ramai nou Etao hi puhvei rako sü seive peilai, süthaisü soushi khaitouyu teidei taosü shinamara veishoyu teidei soutalai, alia chamou veisho-a chachi loulai.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

JOEL 2:28

“Süsho phajü thaisü, Enou mai hrülai hi arako lakouh peilai; ne nahpoutu ae ne nahnaotu taonou rachi paolai, tsümai taonou me mulai, alia nahle mainou zho ngaolai.

MATHIU 16:14

Puletao nou chila peie, “Kamainou Johan Baptist touwe, kamainou Elijah touwe, alia kukhe mainou Jeremiah moa kukhe rachi paolamai alie tea paowe.”

MATHIU 21:11

Maisoutao nou chila peie, “Puh hai Galilee hi Nazareth hinou veyu rachi paolawo Jisu süe.”

LUK NOU RÜYU KO AVEIBVÜ 24:49

Alia zhukhaio, Apuonou peilai tea paopeikhai touyu nasü Enou neletao hi seive peilai; ana reikonou kou neletaoye khoukonou züpeimo koutesü nuhduna hinou chao-a buwo.”

LUK NOU RÜYU KO AVEIBVÜ 3:16

Johan nou puletao hrülaihi chila peie, “Enou neletaoye dzünou dzükhao dapeie; ana Ajünou khouchih shoyu puhsü laire. Esü puhvei phikha rai pheipayu koutea züdou moe. Puhnou neletaoye Rako Mashinou ea meinou dzükhao dapeilai.

LUK NOU RÜYU KO AVEIBVÜ 7:16

Alia puletao hrülaisü piyu nou phouloure ea Ramaiye shoyu noupu haibüa paoe, “Eletao hrohi dushoyu rachi paolamai ali veloure!” alia “Ramai nou puhvei maitaoye khaipeire donou tave zhupeire!”

JOHAN 1:21

Alia puletao nou puh hi noue, “Sükulouzü ne thaoh-e? Ne Elijahwu?” Puhnou chila peie, “E moe,” Puletao nou noupukhaie, “Ne rachi-paolamai sünawu?” Puhnou chila peie, “Moe.”

JOHAN 1:25

Puletao nou puh hi noue, “Sükulouzü nehai Khrista-a, Elijah-a moa rachi-paolana-a molouzü daidonou nenou dzükhao dapeiwe?”

JOHAN 1:33

Ewo louzü puhye sümoe; ana dzünou dzükhao dapeire donou Eye seivepeiyu puhnou Ahi paoe, ‘Rakonou kou maili peivahi taoa buyu nenou ngaolai; puh hai Rako Mashinou dzükhao dapeiyu mai sünasüe.’

JOHAN 12:16

Sükisü puh rozümai taonou hainavei ko alia sükhai moe; ana Jisu nou adusho hi hrishu louyu thainou, haina hai puh vanou rükhaitoue ea haisü puletao nou puh hi soupeire touyusü puletao nou sükinou liloure.

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 14:13

Nahpoutu vanou Puoye soudusho peiloure donou, neletao nou Azhih hinou khoyu talisü Enou soupeilai.

JOHAN 14:26

Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 16:14

Puhnou Eye soudusho peilai, daiolouzü puhnou Avei nasü poloua sünasü neletao hi paopeilai.

JOHAN 16:7

Ana Enou neletao hi acheche nasü paowe: Enou tayuhai neletao donou veipuhie, daiolouzü E tamo louzü, soukha-apeio nasü neletao hi velaimoe. Ana Enou talouzü, puhye Enou neletao hi seive peilai.

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 20:22

Alia puhnou sübüa paoyu thaisü, puhnou puletao pei hi ssü houkhaipei-a paoe, “Rako Mashi sü ngaoloukhaio.

JOHAN 6:14

Südonou puhnou souyu shee nasü maikhe mainou ngaoloua paoe, “Chekhaoa deiphao hi vere rachi paolawo nasü hainare!”

JOHAN 7:12

Alia sühisü maisou hrohinou puh vanou mülealea loure. Kamainou paoe, “Puh hai maivei maie,” ana mai kukhenou paoe, “Moe, puhnou maikhe maiye sümah tare.”

JOHAN 8:54

Jisu nou chila peie, “Elah Eye tsükhoubai louzü, Avei tsükhouyu nasü halia moe; neletao nou, ‘Puh hai Eletao vei Ramaie’ tea paoyu puh hai Eye tsükhou peiyu Apuoe.

SEI-ATAMAI VAHTAO 19:2

Alia puhnou puletao hi noue, “Neletao nou louche louyu hinou Rako Mashi ngaoloure moe?” Sühinou puletao nou puh hi chila peie, “Rako Mashi bue touyu Ehwo choua choukhai mohie.”

SEI-ATAMAI VAHTAO 2:17

“Ramai nou paoe, akhai teithetao hisü haibüa palai; süolouzü, Enou Arakosü maikhemai hrülai pei hi lakou thoupeilai: Alia neletao nahpoutumai ea nah naotumai taonou rachi paopalai, alia neletao vei nahlemai taonou zho ngaolai, alia neletao vei khaimai taonou me mulai.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 2:38

Alia Pitar nou puletao hi paoe, “Le dalo, alia neletao mah khaipeire donou, neletao mai ali linou Jisu Khrista zhih hinou dzükhao dalo; alia neletao nou Rako Mashi vei sapeina nasü ngaoloulai.

SEI-ATAMAI VAHTAO 2:4

Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

SEI-ATAMAI VAHTAO 3:13

Abraham, Isak ea Jakob Ramai, süolouzü Eletao puo-pao maitao Ramai nou puh kilai Jisu ye sü soudusho peiwure. Sütoukhaia neletao nou puhye sü southeare donou thoupeiwu-a Pilat nou puhye sü phapeire donou chi lükouyu ki koute-a neletao nou puhye sü Pilat nghojünou bare.

SEI-ATAMAI VAHTAO 4:31

Alia puletao nou veachi paocheyu kisü, puletao nou vedzüa buyu buh nasü nguloure; alia puletao hrülai sü Rako Mashinou phoupeiloua Ramai Chipao sü khuvei-a paoshu tare.

ROMMAI 8:9

Ana Ramai Rakonou neletao lekhe hi cheche-a bue toulouzü, neletao hai kezhe hi bukhai more anou Rako hi buloure. Khrista vei Rako hayu maita lisü puhvei moe.

2 KORINTHMAI 3:8

Rako vei vah souyu hisü daizhozhou khouko ava sü dukoushoa bulai?

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.