JOHAN 7:37 - SHEEYU BAIBEL (BSI)

³⁷ Nüh süna akhai ea matsü tsülai teithe kisü, Jisu nou lashuloua ea paikushoa paoe, “Maitalia reilouzü, puhye panou Ahi taveloua küloukhaio.

JOHAN 7:37 Iomraidhean Croise

NEHEMIAH 8:18

Khonüh nütayu teithe arai hinou poa akhai koute hai puletao nou Ramai vei Chikha nasü teithetsü nou phou-e. Puletao nou teithe anai koute hai khonüh nüe, ae Chikha thaifüa teithe acha zhou hai akhai vei khonüh nüe.

LOUTAO 143:6

Enou abah lapoa nou ne hi veachi paoe; dei kirü touyu ali hai dzü reihshoa buyu büa avei rako nou neye sü jüpa sho-a bure.

LOUTAO 42:2

Hrüyu Ramai, Enou neye sü reisho-a nou kho-a bue; Enou duki taho nevei nghoujü hinou neye tholou laige?

LOUTAO 63:1

Oh Ramai, ne hai avei Ramaie, Enou neye thainüa bue. Avei pfüphao teitei nou neye sü jüpa sho bue; dzü lia ha-a nou thekei tea peko vaivai-a buyu dei ali büa avei rako sünou neye reihsho-a nou bue.

TSÜCHITAO 1:20

Keilo! Tsüveio nou kijüdu hinou shusoua shawe, hupobu kinou pai chia shapoa kuwe;

TSÜCHITAO 8:1

Keikhaio! Ratsü sünou maiye kua bure. Tsüsüyu nanou pai pa-a bure.

TSÜCHITAO 8:17

Eye leshiyu maitaoye sü Enou leshie; alia Eye toutei-a phouyu maitao nou Eye ngaoloulai.

TSÜCHITAO 8:3

nuhdu vei rokhubomü pe hinou, rokhubomü kinou shusou sha-a bure:

TSÜCHITAO 9:3

Puhnou nuhdu hinou kukayu buhtao hinou hrüyu maitaoye kutare donou puhvei kilai maitaoye seitawure:

SOLOMON VEI LOU 5:1

Atupai, aleshipai, avei kipei hisü E vere, Enou avei kainüvei pou khesü pojülaire, Enou voudzü sü avei voudzüpho koa nou toulai, Enou rashidzü sü avei chonaodzü koa sho-e. Toukhaio, Oh aleshipu, alia ke khaio; lesha nasü nenou khamo koute ke khaio.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

ISAIAH 40:2

Jerusalem hinou hrüa buyu maitaoye pailako aveih nou keapeio, ae puletao hisü haibüa paopei khaio, süolouzü puletao hai teile taoli veaho shore, anou chuo puletao vei mahmo khesü khaipeiwure. Enou puletaoye sü mahmo souyu donou soutaosoua tudei peiwure.”

ISAIAH 40:6

Pai ali nou haibüa paoe, “Shusoua shakhaio!” “Daitoua shalaige?” tea Enou noue. “Deiphao mai hrütou hai poube büa baie, ae puletao vei hüveiyu hai poupa ali büa baie.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ISAIAH 55:1

Mapao nou paoe, “Tavelo, rei-a laiyu maitao, dzü hi tavelo! Pousha ha-a buyu maitao, tave touso sü hüloua tou khaio! Tave zhaoh ae chonaodzü kelo, pousha polai moe, ae muhma-a polai moe!

ISAIAH 55:3

“Enou paoyu jülo, ae ahi velo; sükulouzü neletao nou hriyu sü ngaoloulai. Enou neletaoye koa teisa vei soure vo ali soulai, ae David hi apaokhai touyu tobai soumoa leshi peiyu nasü neletao hi peilai.

ISAIAH 58:1

Mapao nou paoe, “Shusoua pai chilou süyu koute pai chi-a shakhaio! Avei Isreal maitao hi puletao vei mah khesü shapao peikhaio.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 2:2

Ne taho Jerusalem maitao hisü Mapao nou haibüa paowe tea paokhaio, “Nevei nahlea buki lesha, nenou aki veraiki vei leshi nahai nenou radeiki hinou ae shinamara thoumoyu buhtao hi nenou athaifü tayu Enou ngaimoe.

EZEKIEL 47:9

Reidzü hai nanou kütayu veishi hisü hrikhaona ae khah tyatyali bulai. Reidzü hai nanou Athai Zai hi dzü khesü souvei dakhai peilai, ae hai nanou küve peiyu teitei hisü ahri hai pove peilai.

LEVIMAI LARÜBVÜ 23:36

Teithe anai koute hai neletao nou teithechü sü thoudzü vei posheela sü Mapao hi pove peilai. Teithe acha zhou hai neletao nou tave jüloua ratholai, ae thoudzü vei posheela hai pove peilai. Süzhou teithe hai rathoyu teithe soulai, vah soulai moe.

LEVIMAI LARÜBVÜ 23:39

Neletao nou chachi louyu thai, khonüh hai nasü teithe anai koute nülai, süsü khouh anai navei khoukha kiangou zhou nou nüh nütalai. Teithe arai na hai veishoyu teithe ali soua reilai.

MIKAH 6:9

Mapao ye piyu sü tsüvei-e. Puhnou nuhdu nasü kue, “Nuhdu hinou tave jüa buyu maitaore, keinoulo!

ZEKHARIAH 9:15

Khoukhoulai Mapao nou puhvei maitao ye sü vupa peilai, alia puletao nou ngaoba mai jünou veiloulai. Puletao nou reih buh hisü zhaoh soziyu mai büa shusou ralai, alia ngaoba mai vei zhe sü puletao nou soukou loulai, süsü rathoki hi posheelayu phaki pai hinou lakouyu büa zhe sü külai.

MAIPEI PHOUYU 29:35

Teithe acha zhou sü mai hrülai nou vejüloua ratholo, ae vah lia souso.

MATHIU 11:28

“Vah vea-a soulaimai ea kou sü-a pfülaimai hrülai Ahi tavelo, Enou neletaoye panou soloulai.

MATHIU 3:3

Johan hai Isaiah rachi paolawona nou pao-a buyu mai sünasüe, süolouzü: “Rekounou mai kamai linou shawe, ‘Mapao vei ludu nasü soudalo; puh ludu taosü souzülo!’ ”

MATHIU 5:6

Achechena donou rei-züyu maisü rakoveie; daiolouzü puletao sü reikha ngaoloulai!

JOHAN 1:23

Puhnou paoe: “Isaiah rachi paolawo nou paoyu kua, ‘Mapao vei ludu nasü souzülo!’ tea rükounou mailinou shayu pai nasü E-e.”

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:11

Naotu süpainou puh hi paoe, “Dou-apeio, newo dzü saoloure halia hae, alia dzükhao nasü thoushowe; daikinou nenou hriyu dzü nasü ngaoloulai?

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 5:40

Sütoukhaia neletao nou ahri ngaoloure donou Ahi venü moe.

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:55

Daiolouzü Avasou hai touso chekhaoe, alia Azhe hai chekhaoa küloure nasüe.

JOHAN 7:28

Südonou Jisu nou Rathoki hinou doupeia buyu hinou paikua paoe, “Neletao nou Eye süwe, alia E hai daikinou vesa touyu hai neletao nou süwe. Sütoukhaia, Ehai lah Amado hinou vemoe, Eye seiveyu puh hai chekhaoe, alia puhye neletao nou sümoe.

1 KORINTHMAI 10:21

Neletao nou Mapao vei pai hinou ea rashitao vei pai hinou-a po külou hoe; neletao nou Mapao vei arübuh hinou ea rashitao vei arübuh hinou-a toulouhoe.

1 KORINTHMAI 10:4

alia puletao hrülainou rako hilovei kheihaoyu dzü sü küe. Daiolouzü puletao nou puletao thaifüa laiyu rako hilovei chuhdu hinou dzü sü küe, alia chuhdu sünasü Khrista puh baie.

1 KORINTHMAI 11:25

Süzhaibüa, vailouyu thaisü puhnou pai poloua paoe, “Pai hainasü Azhenou paoshee soukhai touyu Ramai vei Vo Ashu nasüe. Neletao nou haina pokütsüsü Eye licho loure donou soukhaio.”

1 KORINTHMAI 12:13

Daiolouzü Jihudimai khaia, moa tahrüh kukhemai khaia; qilatao khaia moa do soumaitao khaia Rako alinou Eletao hrülaiye sü pfüphao ali hinou dzükhao dapeire, alia Eletao hrülaiye panou Rako ali hinou küloure.

EPHESAMAI 5:18

Zhaoh shozhiwuso, daiolouzü sühisü soula-pfülayu alaosou bue; süjüwo Rakonou phoupeia bulo.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.