JOHAN 7:28 - SHEEYU BAIBEL (BSI)

²⁸ Südonou Jisu nou Rathoki hinou doupeia buyu hinou paikua paoe, “Neletao nou Eye süwe, alia E hai daikinou vesa touyu hai neletao nou süwe. Sütoukhaia, Ehai lah Amado hinou vemoe, Eye seiveyu puh hai chekhaoe, alia puhye neletao nou sümoe.

JOHAN 7:28 Iomraidhean Croise

LOUTAO 9:10

Mapao, neye süyu maisü neye louchewe; ne hi veyu mai taliye nenou thaopei moe.

JEREMIAH 31:34

Süthaisü puletao mai ali noua mai ali hi Mapao ye sülo tea paodoulai moe, daiolouzü taidu sümoa mai hrülai nou Eye süa bailai. Enou puletao vei mahmo khesü khai peilai, ae puletao nou soumah pfümah khaitouyu khesü Enou lichopu peilai moe. Haisü Mapao Enou paowe.”

HOSEA 4:1

Oh Israel maitaore; Mapao nou teidei hai hinou hrüa buyu maitao hi aetou moyu bure, Mapao vei chipao sü keilouo, “Teidei haina hi chileeyu alia maiye zhuveayu ali-a hare, alia Ramai ye süyu maia hare.

HOSEA 5:4

Lah puletao nou souyu vah sovei nanou puletaoye sü panou Ramai hi dakhai veloure ludu dakhawu baire, daiolouzü puletao nou chilee moyu hrü hüyu jüpaloua Mapao ye sülou more.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 2:23

ea Nazareth tea kuyu nuhdu hinou ve hrüloure. Alia haibüa rachi paolamaitao nou paoyu sü veteloure: “Puhye sü Nazareth hi mai tea kulai.”

MATHIU 26:55

Teile süpha hinou Jisu nou maisou taohi paoe, “Maivei saotoumai aliye nilaiyu kua khoche ea süda poa Eye niloure donou neletao tavewu? Teithe tsünou Esü rathoki hinou doupeia bue, alia neletao nou Eye nilou moe.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

LUK NOU RÜYU KO AVEIBVÜ 2:11

daiolouzü zhou teithehi David vei nuhdu hinou neletaoye donou Khailu-apeio ye sü naloure, puhsü Khrista, Mapaowo süe!

LUK NOU RÜYU KO AVEIBVÜ 2:39

Alia Josef ea Meri nou Mapao vei razhai thaifüa naa soure souchewuyu thaisü, puletaosü lah puletao vei nuhbuh Galilee hi buyu Nazareth hi khaitare.

LUK NOU RÜYU KO AVEIBVÜ 2:4

Südonou Josef-a Galilee hi Nazareth nuhduna hinou tapoa Judea hi Bethlehem tea kuyu David vei nuhduna hi tare, daiolouzü puhsü David vei khü ea kikha hinou ve.

LUK NOU RÜYU KO AVEIBVÜ 2:51

Südonou Jisu nou puhaiye koa takouhloua Nazareth hi khaivere, alia sühinou puhnou puhai chi züa bue. Ana puh pfünou sütao teitei sü puhvei lekhehi pokukhaire.

JOHAN 1:46

Nathanel nou puh hi paoe, “Nazareth hinou avei tali palou süwu?” Philip nou puh hi paoe, “Taveloua zhukhaio.”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 14:31

Ana Enou Apuoye leshie touyu hai deiphaomainou süloure donou Apuonou Ahi chikha peikhai touyu thaifüa Enou soubaie. “Shulouwo, buh haihinou Eletao talairekhe.”

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 3:33

Ana puh zhopaoh polouyu puhnou Ramai hai chekhaoe tea le laloure.

JOHAN 5:32

Ana Avanou zhopaoh peiyu mai kukhe ali bue, alia puhnou Avanou zhopaoh peiyu sü chekhaoe touyu sü Enou süe.

JOHAN 5:43

Enou Apuo zhih hinou ve, alia neletao nou Eye popei moe. Mai kukhe alinou lah puh zhih hinou velouzü, puhye sü neletao nou popeilai.

JOHAN 6:42

Puletao nou paoe, “Mai hainasü Eletao nou puh pfüpuoye süa buyu Josef nahpoutu Jisu mowu? Sükulouzü puhnou chuo kakua, ‘E hai rakinou koue,’ tea paowe?”

JOHAN 7:14

Nüh süna tsüle kouyu phakisü Jisu nou Rathoki hi talouloua doushu tare.

JOHAN 8:14

Jisu nou chila peie, “Elah Avanou zhopaoh peia bu-a Azhopaoh hai chekhaoe, daiolouzü E hai daikinou vesa ea daiki tahosa touyu hai Enou süwe, ana neletao nou E hai daikinou vesa moa daiki tahosa touyu hai sümoe.

JOHAN 8:16

Alia Enou chiku yuma Avei chikuyu hai chekhaoe, daiolouzü chikuyu hisü E lah baimoe, ana Eye seive peiyu Apuonou Eye kozhowe.

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:26

Enou neletao vanou paore ea chikure alaosou bue; ana Eye seive peiyu puhsü chekhaoe, alia Enou puh hinou choulouyu nasü deiphao mai hi Enou paongao peiwe.”

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

JOHAN 9:29

Ramai nou Moses hi paopeie touyu hai Ehnou süe, ana mai haina vanou louzü, puh hai kahinou vesa touyu Ehnou sümoe!”

SEI-ATAMAI VAHTAO 17:23

Daiolouzü Enou taveloua neletao nou thoyu na taosü zhuyu kisü Enou sheelabuh ali hinou, ‘Sümoyu ra alihi’ tea rüthoukhai touyu sü ngaoe. Südonou neletao nou sümoa thoyu nasü Enou neletao hi paongaowe.

ROMMAI 1:28

Alia puletao nou Ramai vanou chekhaoyu tsü nasü puletao vei tsü hi khaibayu donou, puhnou puletaoye sü ashi tsü hi ea kao-zümoyu zhaido hi thoupeire.

ROMMAI 3:4

Süsü movuzüe! Emai hrülaiwo mada khaia, Ramaiwo cheche vuzü bailai. Haihai sheeyu larübvü nou paoyu kue, “Nenou chi paoyu kisü nenou züe tea pongao vuzülai; Neye chikuyu kisü nenou kolou vuzülai.”

2 KORINTHMAI 1:18

Ana Ramai hai chechevuzü baiyu donou, Ehnou nelehi paoyu chipaosü “Ae” alia “Moe” toumoe.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

EBRIAMAI 6:18

Südonou hakia soudalou hoyu ea Ramai nou sühai vanou hakia madalou hoyu na ahai bue. Südonou puh hinou baibuh ngaolouyu Eletaoye sü Eletao nghojühi khaipei khaitouyu areih sünaye soutaosoua poloure donou le soudu-sho peikhaitoue.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 SAMUEL 2:12

Eli vei nahpoutu ahai hai shita khaire; puhai nou Mapao ye tsükhouyu sü hare,