JOHAN 7:19 - SHEEYU BAIBEL (BSI)

¹⁹ Moses nou neletao hi Razhai nasü peimowu? Ana neletao maili koutea Razhai nasü reimoe. Neletao daivanou Eye southeare phouwe?”

JOHAN 7:19 Iomraidhean Croise

MATHIU 12:14

Süthaisü Phariseemai taonou taho Jisu ye southeare donou phoutare.

MATHIU 21:38

Ana kipei khomai taonou nahpoutu sünaye ngaolouyu kisü, lah puletao hronou haibüa paoe, ‘Haihai paopuwo nahpoutue; tavelo, Eletao nou puhye southeawu laikhe, alia puhvei kinitao hai Eletao nou ngaoloulai!’

MARK 11:18

Napao adumaitao ea razhai dou-apeimainou süsü chouloure, südonou puletao nou Jisu ye southeare donou do phoushure. Puletao sü puhye piwe, daiolouzü maisou hrülainou puhnou doupeiyu hisü khupa loure.

MARK 3:4

Sükisü puhnou maikhemai hi paoe, “Soteithe zhou avei souyu zhaiho ashi souyu zhaie? Maihrirai khaipei laiho southealai?” Ana puletao nou hachilia paomoe.

MARK 3:6

Südonou Pharisee maitaosü rathobuh hinou tapare, alia puhye kabüa souhaloulai touyu vanou thalasou Herod memaitaoye koa chikhaitare.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 10:39

Südonou puletao nou puhye niloure donou tepue, ana puletao bah hinou puh hai tupa loure.

JOHAN 11:53

Südonou sü teithe hinou shua puletao nou puhye southeare donou chi kutare.

JOHAN 5:16

Alia Jihudimainou Jisu ye souveayu sü süna vanoue, daiolouzü puhnou vah hainasü Soteithe zhounou soue.

JOHAN 5:18

Sükua paoyu vanou Jihudimainou puhye southeare donou phoupue, daiolouzü puhnou Soteithe soukhoyu thebaimoa puh lahnou Ramaiye paokha-a Ramaiye puh Puo tea kuwe.

JOHAN 5:45

Enou neletaoye Apuo nghojü hinou mah paodu khaipei shulai tea chowuso. Neletaoye mah paodu khaipeirena louzü neletao nou rei-a buyu Moses baie.

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:25

Südonou Jerusalem hi buyu mai kamainou paoe, “Puletao nou southealai tea phouyu mai nasü haina mowu?

SEI-ATAMAI VAHTAO 7:38

Sinai Deichi hinou puh hi chi phayu rakivamai sünaye koa ea Eletao puokhemai taoye koa rekounou lüloumaime hinou buyu puhsü hainae, alia Eletao hi lakou peire donou Ramai vei hriyu chipao sü puhnou ngaoloue.

GALATIAMAI 3:19

Sübüyu thaisü razhainou dai soure bue? Soumahyu touyu hai daisa touyu pongao peire donou razhai hai vohi thoupupei khaitoue, alia razhai nasü apaopei khaitouyu Abraham vei tao süna vemo koute tabailai. Razhai nasü rakivamai taonou kolelou-apeimai ali vanou peie.

GALATIAMAI 6:13

Hee rodeyu puletao koute-a razhainou paoyu zümoe; ana neletao nou pfüphaovei naa haina soulouyu vanou puletao nou khaophu souloure donou neletaoye panou hee rode nüwe.

PAODAKHAIYU CHIKHA 1:17

Neletao nou chikuyu phaki soude-souku laimoe, neletao nou taimai chi-a ae adumai chi-a kaozü hinou kupei bailai, mai zhai nou zhuloua ngaopi laimoe, daiolouzü chikuyu phaki chidei nasü Ramai hinou ve-a baie. Hakinou neletao donou tateiyu bulouzü ahi pove-o, Enou keiloua chiku peilai.’

PAODAKHAIYU CHIKHA 33:4

Israel maitao donou muh teikayu nasü, Moses nou paopeiyu chikhatao Etao nou züwe.