JOHAN 7:17 - SHEEYU BAIBEL (BSI)

¹⁷ Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

JOHAN 7:17 Iomraidhean Croise

LOUTAO 119:10

Avei hrümai veishi nou peia nevei kuvah soure donou E te-a nou bue; Eye panou nevei chikhatao hinou tacho tarei taso.

LOUTAO 25:12

Mapao ye tsükhoua buyu maitao hai puh hinou puletao nou tare ludu nasü douloulai.

LOUTAO 25:14

Mapao hai puhvei chi züa buyu maitao vei samai khamai-e, ae puhnou koa vo soukhai touyu nasü puletao hi süngao peie.

TSÜCHITAO 28:5

Maishi mainou kaozü nasü sülou moe, ana Mapao ye thoyu mainou sünasü sütou toulouwe.

TSÜCHITAO 3:32

daiolouzü vah ashi souyu maiye sü Mapao nou ngaora-e, ana checheyu maiye sü Puhnou loucheyu sü bue.

ISAIAH 35:8

Sühisü dushoyu ludu ali talai, alia ludu sünasü “Sheeyu ludu” tea kulai. Mah souyu mai nou ludu süna talai moe, ae voyu mai-a hai hisü mota laimoe.

DANIEL 12:10

Mai taoli hai lah puletaoye souveipu loulai ae sousheepu loulai, alia mai ashimai louzü vah ashi soua nou maishia bubailai, ana tsüveiyu mainou sünasü sükuloulai.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

MIKAH 4:2

ae puletao nou haibüa paolai, “She, Mapao vei deichi vasü talai khe, Israel maivei Ramai Rathoki hisü velai khe. Puhnou Etaoye puhnou jüpayu nasü doupeilai; Puhnou dopa khaitouyu ludu hisü Etao nou talai. Daiolouzü Mapao vei chipao hai Jerusalem hinou vewe; Puhnou Zion hinou puhvei maitaoye chaku peiwe.”

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 6:22

“Nghithou hai pfüphao vei meibvüe. Südonou ne nghithou veilouzü, ne pfüphao sü varulai;

LUK NOU RÜYU KO AVEIBVÜ 8:15

Alia deivei buh hi dekou louyu taonou, chipao süna chouloua sünasü sheeyu ea paoyu züyu lekhe hinou poteiloua shameayu vanou rashi shilouyu puletaoe.

JOHAN 3:21

Ana acheche vah souyu puhnou puh vah taosü Ramai hinou souloure touyu nasü panou sheesha-a ngaoloure donou avahi vewe.”

JOHAN 8:43

Neletao daidonou Enou paoyu sülou moe? Haisü neletao nou Achipao pfülou hoyu donou baie.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

JOHAN 8:47

Ramai hinou veyu puhnou Ramai chipaotao keiwe; neletao nou chipao sütao keibayu louzü neletao hai Ramai hinou vemoe.”

SEI-ATAMAI VAHTAO 17:11

Chuo Berea hi Jihudimai taosü Thessalonika hi Jihudimaitao jünou le dukouhie, daiolouzü puletao nou Ramai chipao nasü sasa-a poloua teithe tsünou sheeyu larübvü sü phou-a Paul nou paoyu sü cheche ho cheche mosa tea zhue.