JOHAN 7:10 - SHEEYU BAIBEL (BSI)

¹⁰ Ana puh thaihou jürai maitao nou nühbuh hi tahoyu thaisü, pu-a dumoa khei-a nüh buh hi takhere.

JOHAN 7:10 Iomraidhean Croise

LOUTAO 26:8

Oh Mapaowo, nenou buyu buh, ae nevei kathe buyu buh nasü Enou leshi-e.

LOUTAO 40:8

Nevei leli nasü Enou jüpa shopoa nou souwe, Oh avei Ramai! Nenou paodou peiyu khesü avei tsüle hi pothou khailoure.

AMOS 5:13

Südonou tsüveiyu mai hai haibüyu teile hisü paipawu moe, daiolouzü teile hai veimoe.

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 12:46

Jisu nou maikhemai hi chi paobebu kinou, zhukhaio, puhpfü ea puh thaihou maitao nou tave vakounou lalou-a puhye chiphare donou noua bue.

MATHIU 3:15

Ana Jisu nou puh hi chila peie, “Chuo louzü sübütheo. Daiolouzü haibüyu zhai hinou Eletao nou Ramai hinou moshilaiyu teitei sü souloulai.” Südonou Johan nou aetou peire.

MARK 3:21

Puh kihikhamai nou ko süsü chouloukhaie, puhye niloure donou puletao sü tapare, daiolouzü maikhe mainou, “Puh hai votare!” tea paoe.

JOHAN 11:54

Südonou Jisu nou dua Jihudimaitao hrohi takhai more, ana sühinou taloua radeikeena ngheiki buyu Ephraim tea kuyu nuh hi tare, alia sühinou puhnou puh rozümaitaoye koa bure.

JOHAN 7:3

Südonou puh thaihou jürai maitao nou puh hi paoe, “Ne rozümai taonou nenou soua buyu vah taosü ngaoloure donou buh hainasü thaowu-a Judea hi tawo.

JOHAN 7:5

Daiolouzü puh thaihou jüraimai koutea puhye louche moe.

JOHAN 7:9

Puhnou sübüa paowu-a Galilee hinou nai-a bue.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,