JOHAN 7:1 - SHEEYU BAIBEL (BSI)

¹ Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:1 Iomraidhean Croise

MATHIU 10:23

Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.

MATHIU 21:38

Ana kipei khomai taonou nahpoutu sünaye ngaolouyu kisü, lah puletao hronou haibüa paoe, ‘Haihai paopuwo nahpoutue; tavelo, Eletao nou puhye southeawu laikhe, alia puhvei kinitao hai Eletao nou ngaoloulai!’

MARK 11:18

Napao adumaitao ea razhai dou-apeimainou süsü chouloure, südonou puletao nou Jisu ye southeare donou do phoushure. Puletao sü puhye piwe, daiolouzü maisou hrülainou puhnou doupeiyu hisü khupa loure.

JOHAN 1:19

Alia Jerusalem hinou Jihudimai taonou Johan hi napaomaitao ea Levi maitaoye seive-a panou puh hinou, “Ne thaoh-e?” tea ve nouyuki Johan nou haibüa zhopaoh peie.

JOHAN 4:3

puhnou Judea thaowu-a Galilee hi dakhai tare.

JOHAN 4:54

Shee hainasü Jisu nou Judea hinou Galilee hi velouyu thainou souyu shee ahai chena süe.

JOHAN 6:1

Haithaisü Jisu nou Tibiria zai tea kuyu Galilee zai polo dovahi tare.

JOHAN 7:11

Jihudimai taonou nühbuh hinou puhye phoua, “Puh hai kahi bue?” tea nouwe.

JOHAN 7:13

Ana Jihudimaiye piyu donou maita linoua dua puh vanou chi paomoe.

JOHAN 7:19

Moses nou neletao hi Razhai nasü peimowu? Ana neletao maili koutea Razhai nasü reimoe. Neletao daivanou Eye southeare phouwe?”

JOHAN 7:25

Südonou Jerusalem hi buyu mai kamainou paoe, “Puletao nou southealai tea phouyu mai nasü haina mowu?

JOHAN 7:35

Jihudimai taonou puletao lah alinou lihi paoe, “Eletao nou puhye ngaolai moyu buh kahi puhnou talai? Puh hai Greekmai hrohi poralouyu Jihudimai taohi taholoua Greek tamaiye doupei laiwu?

JOHAN 8:37

Enou neletao hai Abraham tyaonahmai taoe touyu süe; ana neletao nou Eye southeare donou phouwe, daiolouzü Achipao hai neletao lekhehi buh hae.

JOHAN 8:40

ana Ramai hinou achechena chouloua neletao hi doupeiyu mai Eye chuo neletao nou southealai tea phouwe. Abraham nou sübüa soukhai moe!

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;