JOHAN 6:51 - SHEEYU BAIBEL (BSI)

⁵¹ Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

JOHAN 6:51 Iomraidhean Croise

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

LUK NOU RÜYU KO AVEIBVÜ 22:19

Süthaisü puhnou rao nasü poloua Ramai hi kalo paoyu thaisü puhnou süsü soukhore ea süsü puletao hi pola pei-a paoe, “Haisü neletaoye donou peiyu Apfüphaoe. Eye li-choloure donou haisü soukhaio.”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 11:26

alia hria Eye loucheyu mai talinou hatakia thailaimoe. Sünahai ne louche homoe?”

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 3:14

“Alia Moses nou rekounou nghou naye polayu kua, Mai Nahpoutuye-a polashu vuzülai,

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:33

Daiolouzü Ramai vei raokhaona louzü rakinou kouloua deiphao mai hi ahri peiyu sünasüe.”

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:41

Sükisü Jihudimai taonou puh vanou noulealea loure, daiolouzü puhnou, “Ehai rakinou kouyu raokhao nasüe” tea paoe.

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

JOHAN 6:48

E hai ahri raokhao nasüe.

JOHAN 6:50

Maitalinou sünasü touloua thailai moyu rakinou kouyu raokhao nasü hainae.

JOHAN 7:38

Eye loucheyu puhsü, sheeyu larübvü nou paoyu kua, ‘Puh lekhe hinou hriyu reidzütao kütalai.’ ”

2 KORINTHMAI 5:19

Ehvei chipaowo louzü Ramai nou Khrista vanou emai hrülaiye puhye koa souchavei loure. Ramai nou puletao vei mahpei sü choa puletao pei hi motouyu soumoe, alia puhnou Eletao hi maikhe maiye koa souchavei louyu chipao nasü peikhaitoue.

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

EPHESAMAI 5:25

Chaamaitao, Khrista nou lüloumaimeye leshiyu ea süna donou puhvei hrirai peiyu sübüa, neletao chapfümaiye leshilo.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 10:20

Puhnou Eletaoye donou sah haokhai touyu süolouzü lah puhvei pfüphao vanou ashu ea hriyu ludu ali houpeire.

1 PITAR 2:4

Emainou bakhai-a Ramai nou muhteishoe tea dolouyu hriyu chuh Mapao hisü tavelo.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.