JOHAN 6:45 - SHEEYU BAIBEL (BSI)

⁴⁵ Rachi paolamaitao larübvü hinou, ‘Alia puletao hrülaiye Ramai nou doupei loulai,’ tea rüwure. Puo hinou choulouyu ea doulouyu mai talinou Ahi vewe.

JOHAN 6:45 Iomraidhean Croise

ISAIAH 2:3

Maikhe mainou taveloua haibüa paolai, “Khe, Etao Mapao vei deichi peiva Israel maivei Ramai ye thoyu Rathoki hisü tave laikhe. Etaoye panou daivah souyu jüpawe touyu puhnou Etao hi dou peilai; ae puhnou dopa peikhai touyu ludu hisü Etao nou talai. Daiolouzü Mapao vei dou-apei nasü Jerusalem hinou vepawe, Zion hinou puhnou puhvei maitaoye chaku peiwe.”

ISAIAH 54:13

“Enou neletaoye sü doupeilai, alia neletao hisü vasayu ae kaonayu sü peilai.

MIKAH 4:2

ae puletao nou haibüa paolai, “She, Mapao vei deichi vasü talai khe, Israel maivei Ramai Rathoki hisü velai khe. Puhnou Etaoye puhnou jüpayu nasü doupeilai; Puhnou dopa khaitouyu ludu hisü Etao nou talai. Daiolouzü Mapao vei chipao hai Jerusalem hinou vewe; Puhnou Zion hinou puhvei maitaoye chaku peiwe.”

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MARK 1:2

Ko haihai Isaiah rachi paolawo nou rükhai touyu büa paloure: “Zhukhaio, Enou Achipaoh paomainaye ne ludu souda peire donou nejünou rai-a seive peilai;

LUK NOU RÜYU KO AVEIBVÜ 1:70

Dao raikinou puhnou puhvei sheeyu rachi paolamaitao mü vanou paopeiyu büa,

LUK NOU RÜYU KO AVEIBVÜ 18:31

Alia Jisu nou rozümai kiahai taoye sakupaloua puletao hi paoe, “Zhukhaio, Eletao Jerusalem hi tapa-a bue, alia rachi paolamai taonou Mai Nahpoutu vanou rüthoukhai touyu teiteisü vete khoulai.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:65

Alia puhnou paoe, “Süvanou Enou neletao hi paopeire süolouzü Puonou puh hi aetoupei molouzü maita linoua Ahi velou hoe.”

SEI-ATAMAI VAHTAO 13:40

Südonou leikeilo, molouzü rachipaolamai taonou paokhai touyu sünasü neletao pei hi vete shulai: süolouzü:

SEI-ATAMAI VAHTAO 7:42

Ana Ramai nou puletaoye thaowu-a panou ratei hi vuh taoye thore hi puletaoye thoupeiwure. Sükuyu hai rachi paolai maitao vei larübvü hi rüthouyu büe: ‘He Israel kikhamai, po raidai rekounou neletao nou kikhaorüh southea-a ea ha nanou potho-a Ahi peiwu?

EPHESAMAI 1:17

alia khouko avavei Puo, Eletao Mapao Jisu vei Ramai hinou neletaoye tsü souvei peiloure ea neletao hi Ramaiye pongao peiwu-a neletaoye panou puhye süloure donou neletao hi Rako nasü peiloure Enou khowe.

PHILIPPIMAI 3:15

Rako hilo vanou licheyu Eletao hrülainou haibüa chokhailai. Ana neletao kamainou takua cholouzü, Ramai nou süna-a neletao hi ngaopeilai.

1 THESSALONIMAI 4:9

Ana neletaoye donou maitaliye panou neletao hi thaihou jüraimaiye leshi loure vanou rüpeire matsü hae, daiolouzü neletao lah alinou liye kabüa leshi loulai touyu sü Ramai nou neletaoye doupeire.

EBRIAMAI 10:16

“Teithe sütaothai Enou puletaoye koa soulaiyu vo nasü hainare tea Mapao nou paoe; Enou Avei razhai taosü puletao lethou pei hi pothou khaipeilai, alia sütaosü puletao tsü lekhe hi rüthou khaipeilai.”

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.