JOHAN 6:38 - SHEEYU BAIBEL (BSI)

³⁸ Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 6:38 Iomraidhean Croise

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 3:31

Reikounou kouyu puhnou mai hrülai jünou dukoukhai toue; deiphao nou veyu puhwo deiphao vei baie, alia deiphao vei vanou chi paobaie; Rakinou kouyu puhnou mai hrülai jünou dukhai toue.

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 5:30

“E lah Akhoukonou hatalia soulou hoe; Enou choulouyu süna thaifüa Enou chikue; alia Avei chikuyu sü chekhaoe, daiolouzü E lah Aleli phoumoe ana Eye seive-apeio puh leli phoubaie.

JOHAN 6:29

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

JOHAN 6:33

Daiolouzü Ramai vei raokhaona louzü rakinou kouloua deiphao mai hi ahri peiyu sünasüe.”

JOHAN 6:42

Puletao nou paoe, “Mai hainasü Eletao nou puh pfüpuoye süa buyu Josef nahpoutu Jisu mowu? Sükulouzü puhnou chuo kakua, ‘E hai rakinou koue,’ tea paowe?”

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

ROMMAI 15:3

Daiolouzü Khrista-a lahye le sousa moe; ana haibüa rüthouyu kue, “Nehi sou ahrao peiyu laikhai khaitouyu sü Apei hi dekoure.”

EPHESAMAI 4:9

Chuo, “Puhnou takheyu” touyu vei kosü daie? Süvei kowo louzü raikai-a puhnou deiphao vei thou-thoulai buh hi takou loure touwe.

EBRIAMAI 5:8

Puhsü Ramainah Poutu khaia puhvei veahoyu hinou paochi züyu sü puhnou douloue.