JOHAN 6:37 - SHEEYU BAIBEL (BSI)

³⁷ Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:37 Iomraidhean Croise

LOUTAO 102:17

Puhnou thaolai khaiyu puhvei maitao vei veachi paoyu sü puhnou keinou peilai.

LOUTAO 110:3

Nenou nevei ngaobayu maitaoye reih souyu teithe zhousü nevei maitao hai puletao lah nou tave neye soukha peilai. Shona vidzü kouyu büa nevei nahle maitao nou nenou buyu sheeyu deichi hisü veloulai.

ISAIAH 41:9

Enou neye sü deiphao kainghou hinou poloue, ae kadou shoyu teidei hinou kuloue, alia ne hi Enou paoe, ‘Ne hai avei kilai-e.’ Enou neye sü malai moe, ana neye doloue.

ISAIAH 42:3

Khi-a buyu doube ali koute-a puhnou soucha laimoe, ae ngheinonoa buyu meivabvü ali koute-a puhnou sounghei laimoe. Kaozü nasü puhnou acheche hinou soupeilai.

ISAIAH 55:7

Mai ashi maiye panou puletao vei ludu nasü thaokhaio, ae cheche moyu maiye panou puletao vei tsüle ashi nasü thaowo. Puhye sü panou Eletao Ramai Mapao hi dakhai velo, sübüa puhye sü panou puh vei zhuvea leshi ae khailu peiyu nasü ngaolo.

MATHIU 11:28

“Vah vea-a soulaimai ea kou sü-a pfülaimai hrülai Ahi tavelo, Enou neletaoye panou soloulai.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

JOHAN 6:39

Alia Eye seive peiyu puh leli nasü hainae, süolouzü puhnou Ahi peikhai touyu teiteisü Enou halia souhawu laimoe, ana akhai teitheki sütaoye panou hrishu loulai.

JOHAN 6:65

Alia puhnou paoe, “Süvanou Enou neletao hi paopeire süolouzü Puonou puh hi aetoupei molouzü maita linoua Ahi velou hoe.”

JOHAN 9:34

Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

ROMMAI 5:20

Mah sü panou pupa loure donou razhai hai vepeie; ana mah alaosou buyu hisü, zhuvea nou alaosou koua bue.

PHILIPPIMAI 1:29

Daiolouzü Khristaye donou neletao hisü puhye lü loucheyu likhei baimoa puhye donou veaho loure zhou aveina-a peikhaitoue.

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

2 TIMOTHI 2:19

Sütoukhaia Ramai nou soushupa khaitouyu kifü sünawo louzü soukho louhoe; alia süpei hisü sükua paoshee soukhaitoue: “Mapaowo nou puhmai soua buyu taoye sü süwe” ea “Mapao vei zhih ku-a buyu maitalinou ashi soua buyu hinou tarei talou vuzülai.”

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.