JOHAN 6:29 - SHEEYU BAIBEL (BSI)

²⁹ Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

JOHAN 6:29 Iomraidhean Croise

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MARK 16:16

Loucheloua dzükhao dalouyu mai talinou khailu loulai; louchelou momai taliye sü mah dukhaiwulai.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 6:28

Süthaisü puletao nou puh hi paoe, “Ramai vahtao soua bure donou Ehnou dai souyu kaoe?”

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

SEI-ATAMAI VAHTAO 16:31

Sühinou puhai nou chila peie, “Mapao Jisu ye louchelo, sükulouzü ne-a, ne kikha maitao-a khailu loulai.”

1 THESSALONIMAI 1:3

Ehnou tobai soumoa Eletao Puo ea Ramai puh nghojünou kabüa neletao nou neletao vei lü nasü pothoua vah sousa, kabüa neletao vei leshi nanou neletaoye panou chihshoa vah sousa, alia kabüa neletao nou Eh Mapaowo Jisu Khrista hisü rei-a khoushoa busa touyu vanou li-choa bue.

EBRIAMAI 5:9

Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

JEMS 2:22

Ne ngaomowu? Puh lü ea puh vahsü koa vah souwe; puh lü naye sü puh vahnou southou liche peiwure.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

PONGAOPEIYU 2:26

Reih kolouyu ea akhai koute Azüpa vah soua buyu puh hisü tahrü khemaitao pei hi khore khouko sü Enou peilai,