JOHAN 5:44 - SHEEYU BAIBEL (BSI)

⁴⁴ Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

JOHAN 5:44 Iomraidhean Croise

2 PUOPAOKO 6:8

ana Mapao nou puh hi haibüa paoe, ‘Nenou Eye donou rathoki nasü souyu jüpa züe,

JEREMIAH 13:23

Ethiopia mai alinou puh vasou teiyu sü soudalou süwu, moa shirakhao nou puh chah souda lousüwu? Süku lousüe toulouzü, neletao hashi khaikho soua buyu mainou havei sü souloulai.

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

LUK NOU RÜYU KO AVEIBVÜ 19:17

Alia puhnou puh hi paoe, ‘Veishore, avei kilai! Nenou hataili hinou cheche louyu donou, neye panou nuhdu kirou pei hi paopu soulai.’

JOHAN 12:43

daiolouzü puletao nou Ramai nou shoyuna jünou mainou shoyuna-a züpahie.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 3:20

Daiolouzü ashi vah souyu mai veishinou avaye ngaorawe, alia avahi vemoe, süku molouzü puhvei vah taosü popa ngaowushulai.

JOHAN 5:41

“Enou mai hinou paoshoyu phoumoe.

JOHAN 8:43

Neletao daidonou Enou paoyu sülou moe? Haisü neletao nou Achipao pfülou hoyu donou baie.

ROMMAI 2:10

Ana avei souyu mai hrülai hisü süolouzü raia Jihudimai hi ea tahrüh kukhemai hi-a Ramai nou khouko ava, tsükhouyu ea kaonayu sü peilai.

ROMMAI 2:29

Ana süjünou, chekhaoyu Jihudimai süwo lekhe hinou süolouzü puh le hinou hee rodeyu mai süna süe, alia haisü Ramai Rako vei vah-e, rüthoukhai touyu razhai vei vah moe. Haibüyu mai alinou puhye paosho peiyu sü mai hinou moanou Ramai hinou ngaoloue.

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

2 KORINTHMAI 10:18

Daiolouzü maitalinou lah puhye paoshoyu hinou moa Mapaowo nou paosho peiyu mai sünaye nou ae-ao tea popeire.

PHILIPPIMAI 2:3

Hatalia du tounü-a moa khaophu sounüa vah souso, ana alinou lihi nataipoa kukhe mainou lah neletao jünou veikouhie tea chopeio.

1 THESSALONIMAI 2:6

Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

EBRIAMAI 3:12

Südonou thaihou jürai khemai, leikeilo, molouzü neletao hrohinou maitalinou ashi ea louche moyu le nasü pfüloua neletaoye hriyu Ramai hinou sataloua panou kaoduta bailai.

JEMS 2:1

Athaihou jürai khemai, khouko ava vei Mapao, Eletao Mapao Jisu Khrista vei lüloumaitao soua, neletao nou maikhe maiye puletao vei vakou vei zhu süna thaifüa zhai soukuwuso.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

JUD VEI SEIKO 1:25

Jisu Khrista vanou Eletao vei likhuyu Ramai, Khailu-apeio hisü, kathe, akukulai, khouko ea du-shosü daoraiki-a, chua ea akhai khailai koutea souloutheo! Amen.

1 SAMUEL 15:30

“E mah souwure,” tea Saul nou chila peie. “Ana zhuvea nou Eye panou süthai-apei maitao ae Israel maisou nghoujü hinou tsükhouyu sü soungao peio, ae Eye koa sa-a nou dakhai ve peio, sübüa E-a panou nevei Ramai Mapao ye sü tholo.”

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.