41 “Enou mai hinou paoshoyu phoumoe.
daiolouzü puletao nou Ramai nou shoyuna jünou mainou shoyuna-a züpahie.
Enou mai hinou zhopaoh ngaolou vuzülai touyu vanou moe; ana neletaoye panou khailu loure donou hainasü Enou paobaie.
Sütoukhaia neletao nou ahri ngaoloure donou Ahi venü moe.
Ana Enou neletaoye süwe, süolouzü neletao lekhehi Ramaiye leshiyu hae.
Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?
Süthaisü Jisu nou puhye maikhe mainou tave taitsüa panou Veo souloure donou nilou laire touyu süloua Jisu puhlah deichi hilo tarei tapu khaire.
Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.
Enou Akathe phoumoe; ana süna phouyu ea chiku peiyu maili bue.
Jisu nou chila peie, “Elah Eye tsükhoubai louzü, Avei tsükhouyu nasü halia moe; neletao nou, ‘Puh hai Eletao vei Ramaie’ tea paoyu puh hai Eye tsükhou peiyu Apuoe.
Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe.
Daiolouzü haina vanou Ramai nou neletaoye kuloure, daiolouzü neletaoye panou puh phihea thaoloure Khrista nou neletaoye donou veaho peiwu-a neletao hi puhzhai douloure do nasü thaodai peiwure.
Puo, Ramai hinou puhnou tsükhouyu ea khouko ava ngaoyu kisü, alia Aku Kulaio Ramai hinou pai linou shakoua puh hi, “Haina hai lah Enou leshiyu Anah Poutue, puh pei hisü Enou khraso peire!” tea paoyu kisü Eletao-a sühisü bue.
