JOHAN 5:40 - SHEEYU BAIBEL (BSI)

⁴⁰ Sütoukhaia neletao nou ahri ngaoloure donou Ahi venü moe.

JOHAN 5:40 Iomraidhean Croise

LOUTAO 81:11

“Ana avei maitao hai achi kei bare. Israel maitao hai achi zübare.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 50:2

“Daisounou, E veyu phaki mai ali-a habaige? Enou kuyu phaki, daisounou mai ali-a Eye chila peimoe? E lülou holeyu donou neletaoye khailupa peilou hovu? Zhukhaio, Enou kharochi peikhai-e, zai dzü sü theta-a baiwe, südonou kha khesü dzü hayu donou thaitare, ae reidzü sü radeiki data-a baiwe.

MATHIU 22:3

Puhnou rai-a sheenghiyu vaibuh hi kukhai touyu shemaitaoye kuloure donou puh kilaitaoye seitae, ana puletao nou venükhai more.

MATHIU 23:37

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

JOHAN 1:11

Puh sü lah puh kihi ve, ana lah puh mainou puhye sü popei moe.

JOHAN 10:10

Avaomai sünanou vaore, southeare ea souhare donou likhei vebaie. E louzü puletao ahri ngaoloure alia sünasü ngaochekhou loure donou ve-e.

JOHAN 3:19

Alia chikuyu nasü hainae, süolouzü ava sünasü deiphao hi veloue, ana maikhe mainou avana jünou azhi naye leshi loure, daiolouzü puletao vei vah taosü ashi baie.

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 5:41

“Enou mai hinou paoshoyu phoumoe.

JOHAN 5:44

Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.