JOHAN 5:39 - SHEEYU BAIBEL (BSI)

³⁹ Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 5:39 Iomraidhean Croise

LOUTAO 1:2

Ana puletao vei asah hai Mapao vei chikha züyue, alia puletao hai heamajü ae kheimathe sünaye lichoa bue.

LOUTAO 119:11

Nevei nghingao hinou mahmo soumore donou Enou nevei chikha khesü avei tsüle hi thoukhai toue.

LOUTAO 133:3

Hai nasü Hermon Deichi vanou zhidzü zhaokou Zion vei deichitao hi shopeiyu büe! Sünasü Mapao nou ha peilai tea apaopeikhai touyu nasüe— teisa nou pa hria bukou telai.

LOUTAO 16:11

Nenou Eye hriyu ludu nasü ngaopeilai; nenou Eye koa bupeiyu donou ahi hai savayu phoutao-a bue, ae teisa nou Eye savayu nasü pove peie.

LOUTAO 21:4

Puhnou ne hinou hrümai kho-e, ae nenou puhye hrüshoyu nasü peie.

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

TSÜCHITAO 6:23

Daiolouzü paodou-apei sütao hai meivabvü alie, alia tudee peiyu sütao hai ahri vei ludue.

ISAIAH 34:16

Mapao vei larübvü hi rüthou khaitouyu hrikhaona taosü phoukhaio. Haitao hai ali koute-a sühisü halai moe, ali koute-a lahkuku vei reidzü ae reikü hai halai moe, papa buche khai-a bulai. Daiolouzü Mapao nou sübüa soulai tea kharochi peiwure; puhnou sükhesü pove jüpeilai.

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

JEREMIAH 8:9

Neletao hi tsüvei maitaoye souhao peiwure. Puletao tsüsü souhao peiwu-a panou shorü hinou muloure. Puletao nou avei chipao khesü pobare. Sükuyu thaisü, puletao vei tsüsü nasü daiki bue?

DANIEL 12:2

Alia thaitayu mai hrülai hai süzhou teithe hrishu khaitoulai, maitaoli hai teisa nou sava-a hrüre buh hisü vetalai alia kamai-a teisa haongu pfüa veahoyu buh hisü hotalai.

MATHIU 22:29

Ana Jisu nou puletao hi chila pei, “Neletao hai mahshore, daiolouzü neletao nou sheeyu larübvütao moa Ramai vei khouko alia sümoe.

MARK 10:3

Jisu nou chi nouyupu chila peie, “Moses nou neletao hi dai chikha peie?”

MARK 12:10

Sheeyu larübvü buh haina hai neletao nou phoukhai mohiwu: ‘Ki souyu mainou lulaiyu chuh nasü veishi jünou matsüyu ki kainghou chuh daloure.

LUK NOU RÜYU KO AVEIBVÜ 16:29

“Ana Abraham nou paoe, ‘Puletaoye tukha peire donou Moses ea rachi paolamaitao bue; puletaoye panou puletao nou paoyu sü keiloukhaio.’

LUK NOU RÜYU KO AVEIBVÜ 16:31

Ana Abraham nou puh hi paoe, ‘Puletao nou Moses ea rachi paolamai taoye keipeimo louzü, thaimai hrohinou kamainou hrishuloukhaia puletaoye paothou louche peilou hoe.’ ”

LUK NOU RÜYU KO AVEIBVÜ 24:25

Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao!

LUK NOU RÜYU KO AVEIBVÜ 24:27

Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.

LUK NOU RÜYU KO AVEIBVÜ 24:44

Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”

JOHAN 1:45

Philip nou Nathanel ye ngaoloua puh hi paoe, “Moses nou razhaibvü hinou ea rachi paolamai taonou puh vanou rükhai touyu puhye sü Ehnou ngaoloure. Puh hai Nazareth hi Josef nahpoutu Jisue.”

JOHAN 5:32

Ana Avanou zhopaoh peiyu mai kukhe ali bue, alia puhnou Avanou zhopaoh peiyu sü chekhaoe touyu sü Enou süe.

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 5:40

Sütoukhaia neletao nou ahri ngaoloure donou Ahi venü moe.

JOHAN 5:46

Neletao nou Mosesye louche louzü, neletao nou Eye louche loulai, daiolouzü puhnou Avanou rüe.

JOHAN 7:52

Puletao nou chila peie, “Ne-a Galilee hinou vewu? Sheeyu Larübvü hinou phoukhaio ea Galilee hinou rachi paolamai lia pakhaimoe touyu sü nenou ngaolai.”

SEI-ATAMAI VAHTAO 13:27

Daiolouzü Jerusalem hinou hrüa buyu maitao ea puletao peichamainou puh hai khailu-apeio nasüe touyu sülou moyu vanou moa Soteithe tsüh phoua buyu rachi paolamai vei chipao taosü sülou moyu vanou, puh pei hisü mah dukhai peiwu-a chipao sütaosü panou vete loure.

SEI-ATAMAI VAHTAO 17:11

Chuo Berea hi Jihudimai taosü Thessalonika hi Jihudimaitao jünou le dukouhie, daiolouzü puletao nou Ramai chipao nasü sasa-a poloua teithe tsünou sheeyu larübvü sü phou-a Paul nou paoyu sü cheche ho cheche mosa tea zhue.

SEI-ATAMAI VAHTAO 26:27

Veo Agrippa, ne rachi paolamaiye louche chemoe? Nenou louchewe touyu sü Enou süwe!”

ROMMAI 1:2

Sheeyu larübvü hinou rüthouwuyu kua Ramai nou puhvei rachi paolamaitao vanou dao raikinou Ko Avei nahai apaopeire.

ROMMAI 3:2

Hatali hinou koshoyu bue! Rairailai hinou, Ramai nou puh chipao hai paodou peire donou Jihudimai bah hi thoupeie.

PAODAKHAIYU CHIKHA 18:15

Neletaoye donou Ramai Mapao nou E bübüyu rachi paolai mai ali neletao thaihou jürai maitao hrohinou seive peilai. Neletao puh chi sü zülo.’

PAODAKHAIYU CHIKHA 18:18

Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.

PAODAKHAIYU CHIKHA 29:29

“Sümore donou kheikhei soua khaitouyu taohai Etao Ramai Mapao veie, ana puhnou Chikha hinou popa süngao peikhai touyu taohai züloure donou teisa Etao nou alia Etao nahmaitao nou telai.

PAODAKHAIYU CHIKHA 32:47

Doupeiyu chipao haitao hai hamako donou moe, ana neletao vei hrirai nasüe, ae hainasü neletao nou züa bulouzü, neletao nou Jordan rei tacholou poloua hrülaiyu teidei hi phasho-a hrüloulai.”

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

EBRIAMAI 11:16

Süjüwo, puletao nou veikouyu teidei ali süolouzü rakiva teidei süna donou züpa-a bue. Südonou Ramai nou puhye nou puletao vei Ramai tea kuyu hisü ahraoyu hae, daiolouzü puhnou puletaoye donou nuhdu ali soudapei khaitoue.

EBRIAMAI 11:35

Lü vanou naotumai taonou puletao vei thaitayu taraitaoye hridashua ngaoloue. Kukhemai taonou do soupeiyu sü ba-a veikouyu hrü hinou hrida shuloure donou souvea souho peiyu hinou thaie.

JOSHUA 1:8

Chikha larübvü haina hai ne mü hinou ralaimoe, ana hea-khei sühinou li-a cholai, haihi rüthou khaitouyu thaifüa talouzü nenou vapu khelai alia veiloulai.

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.