JOHAN 5:30 - SHEEYU BAIBEL (BSI)

³⁰ “E lah Akhoukonou hatalia soulou hoe; Enou choulouyu süna thaifüa Enou chikue; alia Avei chikuyu sü chekhaoe, daiolouzü E lah Aleli phoumoe ana Eye seive-apeio puh leli phoubaie.

JOHAN 5:30 Iomraidhean Croise

SHURAI 18:25

Mahmai ye koa acheche mai-a souhayu, acheche maiye mahmai hi chothou zhopeiyu, haibüyu vahso hai ne hinou doushoa panou bulowo. Deiphao teitei hi Chikuapeio nanou kaozü hinou kupei laimowu?”

LOUTAO 96:13

Mapao nou deiphao hi ve khasa-a hrülaiyu phaki. Puhnou deiphao maiye kaozü hinou ae acheche hinou khasa-a hrüpeilai.

ISAIAH 28:6

Puhnou chilou kuyu maitao hisü kaozü soulou süyu tsüdo peilai, ae reihkhaomai hisü khuvei ae khouko sü thoupeilai.

ZEPHANIAH 3:15

Neletao hi Mapao nou vamoyu nasü polai peiwure, Puhnou neletao ngaoba maiye sü souha peiwure. Mapao, Israel mai Veo sü neletao hinou bue; neletao nou hashi nasü ngaopi pulai moe.

MATHIU 26:39

Alia tadouphou kouloua puhnou deiphinou kou khüa kaoloua veachi paoe, “Apuo, soulou veilouzü veayu pai haina hai Ahinou potapeio; sütou khaia, Enou liyu bümoa nenou liyu büa soupeio.”

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 17:4

Nenou soukhaio tea Ahi peikhai touyu vah nasü souchewu-a Enou neye deiphao hinou soudusho peire.

JOHAN 18:11

Sükisü Jisu nou Pitar hi paoe, “Ne khoche nahai khokhahi pokhailou thouwu-o! Apuonou Ahi peikhai touyu pai nasü Enou külai mowu?”

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 8:28

Südonou puhnou puletao hi paoe, “Neletao nou Mai Nahpoutuye polashuyu kinou ‘E-e touyu puhsü E-e’ touyu hai neletao nou süloulai; süthaisü Enou halia Amadonou soumoe ana Apuonou Ahi doupeiyu thaifüa haitaohai paobaie touyusü neletao nou sülai.

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

JOHAN 8:50

Enou Akathe phoumoe; ana süna phouyu ea chiku peiyu maili bue.

ROMMAI 15:3

Daiolouzü Khrista-a lahye le sousa moe; ana haibüa rüthouyu kue, “Nehi sou ahrao peiyu laikhai khaitouyu sü Apei hi dekoure.”

ROMMAI 2:2

Haibüyu vah souyu maiye Ramai nou chikuyu hai kuzüe touyu sü Ehnou süwe.

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.