JOHAN 5:28 - SHEEYU BAIBEL (BSI)

²⁸ Süna vanou khupayu souso; daiolouzü khüh taohi buyu veishinou puh pai choulaiyu phasü vewe

JOHAN 5:28 Iomraidhean Croise

ISAIAH 26:19

Thaitayu nevei maikhesü hrishupu loulai, deiphao hinou züzhi-a buyu maitao, kushulo alia savayu lou sü soukhaio. Daiolouzü vidzü nou kou dei theyu hi shopeiyu büa Mapao nou raichoki nou thaitayu maikhe sü soukaishu peilai.

DANIEL 12:2

Alia thaitayu mai hrülai hai süzhou teithe hrishu khaitoulai, maitaoli hai teisa nou sava-a hrüre buh hisü vetalai alia kamai-a teisa haongu pfüa veahoyu buh hisü hotalai.

HOSEA 13:14

Enou mai haitao ye sü athai vei khouko hinou mokhaia rabedushao kouhlai ludu hinou vupa peilai moe. Oh athaio, nevei veahoyu nasü daiki nou bue? Oh rabedushao, nevei souha peilou süyu khouko nasü daiki nou bue? Neletao hisü Avei zhuvea leshiyu hai bupu khailai moe.

JOHAN 3:7

‘Nele hrülainou nashulou vuzülai’ tea Enou nehi paoyu donou khupaso.

JOHAN 4:21

Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

JOHAN 4:23

Ana chekhaoyu ratho mainou Puoye rako ea acheche hinou tholaiyu phasü vere, alia chue, daiolouzü Puonou puhye sükua thoyu sü phoue.

JOHAN 5:20

Daiolouzü Puonou Nahpoutuye leshie alia lah puhnou soua buyu teitei sü puh hi pongaopeiwe. Alia neleye panou khupa loure donou sütao jünou dukouyu vahtao-a puhnou puh hi ngaopeilai.

JOHAN 5:25

“Cheche vuzünou Enou neletao hi paowe, thaimainou Ramai Nahpoutu pai choulaiyu phasü vere, alia chue, alia pai süna choulouyu khemaisü hriloulai.

SEI-ATAMAI VAHTAO 24:15

Alia chechemai ea chechemo mai hrülai hrishulai tea mai haitaonou Ramai hinou zhiyu kua E-a zhiwe.

SEI-ATAMAI VAHTAO 3:12

Alia Pitar nou maikhe maiye ngaolouyu kisü puletao hi paoe, “He Israel maitao, neletao daidonou mai haina vanou khupawe? Alia Ehnou Eh khouko hinou mo-a Ehnou Ramai hilo leishoyu vanou puhye panou talouyu kua daidonou nelenou Eh hi pheteiwe?

1 KORINTHMAI 15:22

Daiolouzü Adam vanou mai hrülainou thaiyu süzhaibüa, Khrista vanou mai hrülaiye souhri peiwulai.

PHILIPPIMAI 3:21

Puhnou Eletao vei lülou hoyu thailouvei pfüphao nasü soudawulai ea puhnou ha teiteiye panou puh khehi hrülou süyu khouko sünasü seia pfüphao sütaosü lah puhvei vaveishoyu pfüphao sübüa souwulai.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.