JOHAN 5:26 - SHEEYU BAIBEL (BSI)

²⁶ Daiolouzü Puo puhlah hi ahri buyu kua, Puhnou Nahpoutuye-a lah puh hi ahri buloure aetou peiwure;

JOHAN 5:26 Iomraidhean Croise

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

LOUTAO 90:2

Deichitao soupei mojü nou moa teideiphao soushumo jünou ne hai akhai hayu Ramai-e, ae haithai-a teisa nou bure Ramai sü ne baie.

TAPALOUYU 3:14

Ramai nou Moses hi paoe, “E sü E baie. Ne taho Israel mai hisü haibüa paopeio: ‘E tea kuyu nanou Eye sü neletao hi seivewe.’”

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 10:18

Maita linoua ahrirai hai Ahinou pota moe; ana lah Amadonou sünasü Enou pei-a baie. Süna peiwure sü Akhouko bue, alia süna podakhai loure Akhouko bue. Souloure zü hainasü Enou Apuo hinou ngaoloue.”

JOHAN 11:25

Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 11:26

alia hria Eye loucheyu mai talinou hatakia thailaimoe. Sünahai ne louche homoe?”

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

SEI-ATAMAI VAHTAO 17:25

moa puhvei hatali chemoyu bua panou emai bahnou puh kuvah soutamoe, daiolouzü puh lah puh vuzünou maikhemai hrülai hi hrirai, ssü ea hali-hala peibaie.

1 KORINTHMAI 15:45

Daiolouzü sheeyu larübvü nou paoe, “Mai raina Adam sü hrirai pfüyu mai ali souloure;” ana Adam nanawo hrirai peilouyu rako souloure.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 1:2

ana akhai teithe haitao hisü puhnou Eletao hi puhnah Poutu vanou chi paopeire. Puh vanou Ramai nou teideiphao sü souloue ea puhye süna teitei vei kaalo nasü panou akhaiki thaoloure donou Ramai nou doloure.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”