JOHAN 5:19 - SHEEYU BAIBEL (BSI)

¹⁹ Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 5:19 Iomraidhean Croise

SHURAI 1:1

Ramai nou teideiphao soushu arai hi,

SHURAI 1:26

Süthaisü Ramai nou paoe, “Chuo maiye Etao zhuh rai hinou, Etao raibüa nou soulai khe, alia puletaoye panou khah, raohou, ae hrikhaona, vudai poudai, alia dei hi hrikhaona hrülai pei hi panou kholai.”

LOUTAO 138:3

Enou neye kuyu phaki nenou Eye chila peie, Nevei khouchi sünou Eye soukhou peie.

LOUTAO 27:14

Mapao ye sü louchelo! Puhye lü louchelo, chathai taso. Mapao ye louchelo.

LOUTAO 50:6

Raki nou Ramai hai cheche-e tea paopa peiwe, daiolouzü Ramai puhnou chiku-apeio nasü baie.

TAPALOUYU 4:11

Mapao nou puh hi paoe, “Thaonou maiye mü soupeie? Thaonou la hayu ae noupeyu soupeie? Thaonou maiye panou ha ngaolouyu ae nghichayu sü soupeie? Sütaosü Mapao, Enou mowu?

TSÜCHITAO 2:6

Daiolouzü Mapao nou ratsü hai peiwe; Puh mü hinou tsüvei ae sükulou süyu nasü pawe.

ISAIAH 44:24

“Neletaoye pfüpou hinou sou-apeio Mapao, neletaoye khailupa apeio nou haibüa paoe, Ha veishi soupeipu, raki houpa peipu ae mai soukha ali-a loumoa deiphao sou-apeio Mapao sü Enou-e.

ISAIAH 45:24

“Puletao nou haibüa Eye paolai, Mapao hi likhei acheche ae khouko sü bubaie; ana puhye ngaorayu mai hrülai sü veahoyu ae hraongu ngaolai.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

MATHIU 26:39

Alia tadouphou kouloua puhnou deiphinou kou khüa kaoloua veachi paoe, “Apuo, soulou veilouzü veayu pai haina hai Ahinou potapeio; sütou khaia, Enou liyu bümoa nenou liyu büa soupeio.”

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

JOHAN 10:18

Maita linoua ahrirai hai Ahinou pota moe; ana lah Amadonou sünasü Enou pei-a baie. Süna peiwure sü Akhouko bue, alia süna podakhai loure Akhouko bue. Souloure zü hainasü Enou Apuo hinou ngaoloue.”

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 12:50

Alia puhvei chikhahai teisa ahrina süe touyu hai Enou süe. Südonou Enou paoyu talisü Apuonou Ahi paopeiyu büa Enou paobaie.”

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 2:19

Jisu nou puletao hi chila peie, “Rathoki haina hai souhawuwo, alia Enou sünasü teithe asü hinou soushu loulai.”

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 5:21

Daiolouzü Puonou athai maiye sou hrishu loua puletaoye ahri peiyu kua, Nahpoutua puhnou züpayu maitao hisü ahri peie.

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 8:28

Südonou puhnou puletao hi paoe, “Neletao nou Mai Nahpoutuye polashuyu kinou ‘E-e touyu puhsü E-e’ touyu hai neletao nou süloulai; süthaisü Enou halia Amadonou soumoe ana Apuonou Ahi doupeiyu thaifüa haitaohai paobaie touyusü neletao nou sülai.

JOHAN 9:4

Teinghi bubukinou Eye seive peiyu puh vei vah taosü Eletao nou souvuzülai. Maita linoua vah soulou hore kheisü laire.

SEI-ATAMAI VAHTAO 2:24

Anou Ramai nou puhye sü athaivei khouko hinou mado soupeiwu-a souhri peire, daiolouzü puhye sü athainanou bekhai shalou hoe.

ROMMAI 6:4

Südonou Eletao vei dzükhao dayu hinou Eletaoye sü puhye koa povure ea puhvei athai nasü koa zha ngaozho loure, sübüa Puovei dushoyu khoukonou Khristaye athai hinou sou hrishu peiyu kua, Eletao-a hrü ashuna hinou hrüloure donoue.

ROMMAI 8:11

Jisu ye athai hinou souhrishu peiyu Ramai vei Rakonou neletao hi bue toulouzü, süthaisü Khristaye athai hinou souhrishu peiyu puhnou neletao hi buyu puhvei Rako vanou thailouvei neletao pfüphao hisü ahri peilai.

1 KORINTHMAI 15:12

Chuo Khrista hai athai hinou hrishu loure tea Ehnou paodou louzü, kabüa neletao hronou kamainou thaimai hai hrishu laimoe tea paowe?

2 KORINTHMAI 4:14

Ehnou süwe süolouzü Mapao Jisu ye souhrishu peiyu Ramai puhnou Jisu ye koa Eletaoye-a souhrishu peilai ea Ehye neleye koa puh nghojühi save peilai.

2 KORINTHMAI 5:10

Daiolouzü Eletao hrülaisü Khrista vei Chikubuh nghojühi tave lavuzülai. Sübüa mai hrülai nou vei-a, shi-a lah lahnou puhvei pfüphaona hinou bubuki soukhai touyu süna thaifüa ngaozü nasü ve ngaolai.

EPHESAMAI 2:5

süolouzü Eletao sü Eletao vei paoyu zübayu vanou rako hinou thaia buyu phahinou puhnou Eletaoye sü Khristaye koa souhri peire. Neletaoye khailu peiyuhai Ramai zhuvea vanou baie.

EPHESAMAI 3:16

Enou Ramai hi puhvei khouko ava vei kini süna hinou neletao hi puhvei rako vanou neletao vei lekhe mainasü soutsü peiloure donou khoukosü khowe,

PHILIPPIMAI 3:21

Puhnou Eletao vei lülou hoyu thailouvei pfüphao nasü soudawulai ea puhnou ha teiteiye panou puh khehi hrülou süyu khouko sünasü seia pfüphao sütaosü lah puhvei vaveishoyu pfüphao sübüa souwulai.

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

KOLOSSEMAI 1:11

Neletao nou shameayu noupu ha teiteisü teisanou shameapoa buloure donou, neletaoye sü puhvei avavei khouko hinou veyu achaa sütao teiteinou soukhou peiyu souloukhaio.

KOLOSSEMAI 1:16

Daiolouzü puh vanou raki ea deiphao hi buyu, ngaoyu ea ngaomoyu natao, süolouzü rako hilovei khoukotao, paopumaitao, teidei khomaitao, alia peicha maitao-a loua, ha teiteiye sü Ramai nou soupeie. Puh vanou ea puhye donou Ramai nou teideiphao teiteiye sü soupeie.

1 THESSALONIMAI 4:14

Daiolouzü Eletao nou Jisu hai thailoua hrida shuloure tea louche, alia südonou Jisu ye louche-a zhitayu khemaitaoye sü puhye koa Ramai nou podalou khailai.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.