JOHAN 5:16 - SHEEYU BAIBEL (BSI)

¹⁶ Alia Jihudimainou Jisu ye souveayu sü süna vanoue, daiolouzü puhnou vah hainasü Soteithe zhounou soue.

JOHAN 5:16 Iomraidhean Croise

MATHIU 12:13

Süthaisü puhnou bah polo thaiyu nahi paoe, “Nebah topalo.” Alia mai sünanou puh bahsü topa loure, alia süsü kukhe alina bütoua veiloure.

MARK 3:6

Südonou Pharisee maitaosü rathobuh hinou tapare, alia puhye kabüa souhaloulai touyu vanou thalasou Herod memaitaoye koa chikhaitare.

LUK NOU RÜYU KO AVEIBVÜ 6:11

Ana puletaosü rarousholoua puletao hrohinou Jisu pei hisü dai soupei laisa touyu sü khailoure.

JOHAN 1:19

Alia Jerusalem hinou Jihudimai taonou Johan hi napaomaitao ea Levi maitaoye seive-a panou puh hinou, “Ne thaoh-e?” tea ve nouyuki Johan nou haibüa zhopaoh peie.

JOHAN 10:39

Südonou puletao nou puhye niloure donou tepue, ana puletao bah hinou puh hai tupa loure.

JOHAN 15:20

Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 5:10

Südonou Jihudimainou sou veilouyu mai sünahi paoe, “Haisü Soteithe-e, alia nenou ne züh poloua tayusü razhainou aetoumoe.”

JOHAN 5:13

Ana sou veilouyu mai sünanou Jisu hai thaohsa touyu sümoe, daiolouzü buh sühisü mai alaosou buyu vanou Jisu nou tavai loure.

JOHAN 5:15

Mai sünanou taloua puhye souvei peiyu mai nasü Jisue tea Jihudimai taohi paopeire.

JOHAN 5:17

Ana Jisu nou puletao hi chila peie, “Apuonou chu koutea vah souwe, alia E-a vah soua bue.”

JOHAN 5:18

Sükua paoyu vanou Jihudimainou puhye southeare donou phoupue, daiolouzü puhnou Soteithe soukhoyu thebaimoa puh lahnou Ramaiye paokha-a Ramaiye puh Puo tea kuwe.

JOHAN 7:21

Jisu nou puletao hi chila peie, “Enou vah ali soue, alia neletao veishinou süvanou khupae.

JOHAN 7:25

Südonou Jerusalem hi buyu mai kamainou paoe, “Puletao nou southealai tea phouyu mai nasü haina mowu?