JOHAN 5:14 - SHEEYU BAIBEL (BSI)

¹⁴ Süthaisü Jisu nou puhye rathoki hinou ngaoloua puh hi paoe, “Zhukhaio, ne chuo veiloure! Haijünou shipuyu kukhe nepei hi vemore donou mah soupu khaiso.”

JOHAN 5:14 Iomraidhean Croise

2 PUOPAOKO 28:22

Ahaz nou veahoyu daopu khaie, Mapao vei jüphi ae mahmo sü soupua baire.

NEHEMIAH 9:28

Puletao nou kaona-a soyu ngaolou khaie, mahmo khesü soutapure, ae nenou puletaoye sü ngaobayu mai bah hi thaothou peie. Ana puletao nou ledaloua ne hinou veachi pao-a soukha khoyu phaki, raki vanou nenou puletao vei akho sü kei-nou peie ae nevei dushoa zhuveayu hinou tobai soumoa puletaoye sü khailupa peie.

LOUTAO 118:18

Puhnou Eye shisho-a nou tudee peie, ana puhnou Eye panou thai moe.

LOUTAO 18:22

Puhvei chikha veishi sü Enou züloure, ae puhvei kharochi khesü Enou züba moe.

LOUTAO 27:6

Südonou Eye sühao poa buyu ngaoba maitao jünou Enou veiloulai. Asayu nou shura soua puhvei Rathoki hinou Enou puhye posheela peilai; Enou lou soulai, Enou Mapao ye paosholai.

LOUTAO 9:13

Oh Mapaowo, Eye zhuvea peio! Eye ngaobamai nou souveayu avea sü zhupeio! athai hinou Eye vupa peio, Oh Mapaowo.

ISAIAH 38:20

Mapao nou Eye souvei peie, Etao nou hria bukisa sü Mapao vei ki hinou puhye sü lou sousholai.

ISAIAH 38:22

Süthaisü Hezekiah nou noue, “Enou Mapao vei Rathoki hi tave loulai touyu vei shee sü daie?”

LEVIMAI LARÜBVÜ 13:20

Napao nou puhye sü soutaosoua zhulai, ae süna hai zhimü jünou soupoa lata louzü alia sühi mai paopayu hai ka-a paopa louzü, napao nou puhye sü sheemore tea paosüpa peilai. Hai nasü cho payu zhimü hinou maiye latalou veiyu loukhaora sü soupare.

LEVIMAI LARÜBVÜ 26:27

“Hai koute-a neletao nou achi züba-a Eye khaitya louzü,

LEVIMAI LARÜBVÜ 7:12

Mai talinou posheela haina hai kalo vei posheela soua Ramai hi peilai toulouzü, puhnou posheela peire hrikhaona naye koa nou kheih thoumoyu raokhao nou peilai: raokhao süsü oliv theadzü nou thouhrüloua soulai, moyuma raokhaoki hai soupheloua theadzü nou thouhrüloua posheela hai peilai.

MATHIU 12:45

Süthaisü puhnou vakouhi taloua puh jünou shikouyu kukhe rashi anaiye save loure, alia puletao nou tave sühinou lou buh souloure. Sübüa mai sünavei hrümai nasü raikina jünou shipusho tare. Südonou ashi maikha haina hi-a sübüa palai.”

MARK 2:5

Alia Jisu nou puletao vei dushoyu lü ngaolouyu kisü, puhnou pothaiyu mainahi paoe, “Anahna, ne mah sü khaipeiwure.”

JOHAN 5:13

Ana sou veilouyu mai sünanou Jisu hai thaohsa touyu sümoe, daiolouzü buh sühisü mai alaosou buyu vanou Jisu nou tavai loure.

JOHAN 5:5

Sühisü po shiacha soukouyu mai ali bue.

JOHAN 8:11

Naotupainou chila peie, “Mapao, mailinoua mah dukhai moe.” Alia Jisu nou paoe, “Sükulouzü veire, E-a nepei hi mah dukhai moe; tawo, alia mah soupu khaiso.”]

1 PITAR 4:3

Neletaosü Ramaiye sümoyu maitao nou sounüyu vah süna soua süolouzü, khulou souyu, vasou züpa souyu, zhaoh shozhiyu, avomai hrü hrüyu, meme soua zhaoh shoyu, alia ngaorayu basharaye thoa raikinou teile alao souhare.