JOHAN 4:48 - SHEEYU BAIBEL (BSI)

⁴⁸ Jisu nou puh hi paoe, “Nelenou sheetao ea khupa vahtao ngaomo sasü louchekhai laimoe.”

JOHAN 4:48 Iomraidhean Croise

DANIEL 4:2

Kukulai Ramai nou ahi khupa shoyu ngao-a buyu nasü neletao hi paosü ngaowe.

DANIEL 6:27

Puhnou khailu peiwe ae vupa peie, puhnou rakia ae deiphao-a shee ae khupayu vah sü soupeiwe, Puhnou haka laiyu Danielye souveo mü hinou vupa peie!”

MAIPEI PHOUYU 14:11

Mapao nou Moses hi paoe, “Mai haitao nou teile kasho Eye khaitya bukou laige? Enou khupayu vah haso alao soungao peiyuma mai haitao nou teile kasho Eye louche moa bukou laige?

MATHIU 16:1

Alia Phariseemai ea Sadukimai kamainou Jisu hi taveloua puh zhai zhure donou puhye nou raki vanou sheeli puletao hi ngaopeio tea puh hinou khoe.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 27:42

“Puhnou kukhe maiye khailupeiwe; ana puhwo lah puhye khailulou hoe! Puhwo Israelmai veo süe; puhye panou chuo kros vahinou takou loukhaio, alia sütoulouzü Ehnou puhye louchelai.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

LUK NOU RÜYU KO AVEIBVÜ 16:31

Ana Abraham nou puh hi paoe, ‘Puletao nou Moses ea rachi paolamai taoye keipeimo louzü, thaimai hrohinou kamainou hrishuloukhaia puletaoye paothou louche peilou hoe.’ ”

JOHAN 12:37

Puhnou shee alaosou puletao nghojühi soungao peiyuma, puletao nou puhye louche peimoe.

JOHAN 15:24

Enou puletao hrohinou maita linoua soukhai moyu vah taosü soumoe toulouzü puletaosü mah bupaimoe; ana chuo puletao nou sheetaosü ngaoloure, alia Eye-a Apuoye-a ahaiyenou ngaora loure.

JOHAN 2:18

Sükisü Jihudimai taonou puh hi paoe, “Nenou vah haina souyu hi nezü bue touyu pongaore Eh hi dai shee soungaolou süe?”

JOHAN 20:29

Jisu nou puh hi paoe, “Nenou Eye ngaolouyu vanou louchelouwu? Eye ngaolou moyuma louche louyu puletao sü rakoveie.”

JOHAN 4:49

Vahdumai nanou puh hi paoe, “Dou-apeio, Anah thaimo jühinou takou peikhaio.”

SEI-ATAMAI VAHTAO 14:3

Alia puhai nou Mapaoye donou khuveishoa chipaoa sühinou phasho nai-a bue ea Mapao nou puhvei zhuvea kohai chekhaoe touyu sü panou lapeire donou puhai bahnou shee tyali ea khupa vah alaosou panou souloure.

SEI-ATAMAI VAHTAO 15:12

Barnabas ea Paul nou Ramai nou kakua puhai vanou tahrüh kukhe maitao hrohinou shee tyali ea khupa vahtao sousa tea paongaoyu sü chouloua tsüme hi velouyu maikhemai hrülai sü lapaimo zheibaire.

SEI-ATAMAI VAHTAO 2:19

Alia Enou reikou ratei hinou khupa tyali ea khekou deiphao hinou shee tyali süolouzü zhe, mei ea meikhaovei dzükhao taosü pongaolai;

SEI-ATAMAI VAHTAO 2:22

“He Israel maitao, chipao haitao sü keiloukhaio! Nazareth hi Jisu hai Ramai nou neletao hrohinou puh vanou mainou soulouho khupa vahtao ea sheetao souyu, süolouzü puh hai Ramai nou ae-ao touyu mai alie touyu sü neletao lah neletao nou süa bue.

SEI-ATAMAI VAHTAO 2:43

Alia sei-atamai taonou khupa vah alaosou ea shee tyali souloure ea maikhemai hrülai sü ngaopisho loure.

SEI-ATAMAI VAHTAO 4:30

Sounou souvei peiloure donou nebah sü lapeikhaio, alia sheeyu ne kilai Jisu zhih hinou sheetao ea khupa vahtao souloure donou soukha peikhaio.”

SEI-ATAMAI VAHTAO 5:12

Chuo sei-atamai taonou maikhemai hronou shee ea khupa vah alaosou souloure. Alia lüloumaitao hrülaisü tsüle ali soua Solomon vei Kipamü hinou vedzüa bue.

SEI-ATAMAI VAHTAO 6:8

Alia Stephan nou zhuvea ea koukonou phoupeiloua khupa vah aduli ea shee alaosou maikhemai hrohinou soue.

SEI-ATAMAI VAHTAO 7:36

Puhnou Ejipt hinou, zaidu ahona hinou ea po raidai rekounou khupa vahtao ea sheetao soua puletaoye Ejipt hinou süthai papeie.

ROMMAI 15:19

alia haisü shee ea khupa vah ea Ramai Rako khouko vanou souloure. Alia haibüa Jerusalem hinou Illurikam hi koute taveyu veihdu hisü Enou Khrista vanou Ko Avei nasü soutaosoua paodoue.

1 KORINTHMAI 1:22

Chechena vanou lapei loure Jihudimainou shee khowe, alia Greek mainou tsüvei phouwe.

2 KORINTHMAI 12:12

Shameayu alao noupu sheetaonou, khupa tyali ea mainou souloho vahtaonou koa Ehai checheyu sei-atamai alie touyu vei sheetao hai neletao hrohinou soungao peire.

2 THESSALONIMAI 2:9

Mai Ashi nasü Saitan vei khouko nou koa velai ea madayu shee ea khupavah tyali soulai,

EBRIAMAI 2:4

Sükuyu pha hinou Ramaia sühisü sheetaonou khupa vah tyalinou soua ea puhnou lichoyu thaifüa Rako Mashivei sapeina taonou pozhihpeia zhopaoh soungaopeie.