JOHAN 4:42 - SHEEYU BAIBEL (BSI)

⁴² alia puletao nou naotupai hi paoe, “Chuo nevei chipao vanou Eletao nou louche louyu moe, daiolouzü Eletao-a Eletao lah puhnou paoyusü chouloure, alia chekhaoa puh hai deiphao maiye Khailu-apeio nasüe touyu sü Ehnou süe.”

JOHAN 4:42 Iomraidhean Croise

ISAIAH 45:22

“Deiphao hi hrüa buyu mai hrülai, Ahi dakhai velo ae khailulo! Daiolouzü E likhei Ramai sü baie.

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 11:17

Chuo Jisu nou velouyu kisü Lazarasye khüh hi povuyuhai teithe adai pa-a ngaoloure.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 4:29

“Tavekhaio, Enou soukhai-soukhai touyu veishi Ahi paongao peiyu mai sünaye ve zhukhaio. Puh hai Khrista laiwu?”

JOHAN 4:41

Alia puh chipao vanou mai alaosou louche puloue,

SEI-ATAMAI VAHTAO 13:23

Ramai nou Israel maitao hi peilai tea apaopeikhai touyu khailu-apeio Jisu ye sü panou mai haina tao-nah hinou veloue.

SEI-ATAMAI VAHTAO 4:12

Alia khailu loure sü kukhe maitali hi-a hae, daiolouzü Ehye khailu peilousü vuzüyu raki khehi maikhemai hrohi peikhai touyu zhih kukhe alia hae.”

SEI-ATAMAI VAHTAO 5:31

Israel maitao hi le dalouyu ea mah khaipeiyu sü peiloure donou Ramai nou puhye sü Süthai-apeio ea Khailu-apeio panou soure donou puh bah zhoulo vahi pokhe khaipeire.

2 KORINTHMAI 5:19

Ehvei chipaowo louzü Ramai nou Khrista vanou emai hrülaiye puhye koa souchavei loure. Ramai nou puletao vei mahpei sü choa puletao pei hi motouyu soumoe, alia puhnou Eletao hi maikhe maiye koa souchavei louyu chipao nasü peikhaitoue.

1 TIMOTHI 4:10

Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.